Press "Enter" to skip to content

DR. Za Hlun Thang family Nih “Chinland Oxygen” Riantuannak Caah Tiin “Ambulance” Motor A Hlutt Hna>>>>>

𝐑𝐞𝐯. 𝐃𝐫. 𝐏𝐞𝐭𝐞𝐫 𝐙𝐚 𝐇𝐥𝐮𝐧 𝐓𝐡𝐚𝐧𝐠 𝐍𝐢𝐡 𝐀 𝐇𝐫𝐮𝐚𝐢𝐦𝐢 𝐃𝐢𝐬𝐜𝐢𝐩𝐥𝐞 𝐌𝐢𝐧𝐢𝐬𝐭𝐫𝐲
=================================

Ṭhalmei tlan in a tlan cuahmah mi nih tu kum 2021 ah hin kan Chinland le kan Chin Miphun fak tuk in a kan den ti Thawng kan theih bak in Kan family le kan rianṭuan hawi hna he “Chinland Oxygen” Genesis 2:7 chirhchan in rianṭuan hram kan thawk. Ka fapa Rev. Thawng Ṭha Thang hi Director or Controller ah ka chiah i kan cawlcang.

Cuticun Pathian thluachuahnak le Ahlu-syn hna bawmhnak in- Chikha, Tedim, Tahan, Falam, Thantlang le Sopum tbtk ah an herhmi test kits, PPE, Oxygen dur le Oxygen concentrator hna kan bawmh hna.
Face books in ralrinnak le fimchimh cawnpiaknak kan tuah, kan ṭial in kan thlah.

Cu liopi ahcun Covid Meithan nih cun Yangon khuapi fak tuk in a kan phak. Kan Chin mipi le kan mi Ropui tampi nih mual an kan liamtak. Mipi caah nun pek in a nungmi kan pastor te tampi an thi in, tampi a kangh cuahmah lio hna asi.

Chinland Oxygen volunteers hna cu zanṭim le Khuamang zongah Oxygen chanh ah an chuak. Zan chuahvah Khoh lo nak, Curfew lakah, Siizung thohkhan ca nan ngei lo, nan Motor hi Ambulance asi ṭung lo, Oxygen nan phur kho lo tbtk ṭihphannak lakah Zanṭim le khuamang zongah Oxygen chanh ah Yangon khuapi “Zan kingpi” ah cun an chuak. Ning a ṭi bak ko!
Asi ngai, kan Hmanmi motor hi, Thantlang in Chinland private high school nih an kan pekmi second hand Light truck asi i remh a hau. Kan remh chungah ka fanu Jully Thang nih an online shopping “Myanmar Daily Express” i an hman liomi Hijack a kan hlanh i Anmah tu Taxi hlang in an cawlcang.

Oxygen he van i bawmh i a nung dam kho ko ding Oxygen ngeih lo le Oxygen nih dihtak ruangah mual a kan Liamtakmi ruah ah lung a fak tuk.
Kan mi ropui Dr. Clifford Van Thang le Minthang OM Myanmar Director Dr. Khai tiang in Oxygen deih lo ruang bak ah an kan kaltak. Lung a fak tuk!

CULIO CAN AH,
DR. ZA HLUN THANG FAMILY nih kan harsatnak an rak Kan hmuh/theih zirziar i kan herh tuk mi “Ambulance” motor bak an van kan hlut cu “kan i lawmtuk” timi pin ahkhin Lai holh um rih sehlaw, kan i Lawmhnak ‘DI A RIAM” deuh hnga? Dr. Peter Za Hlun Thang le a Chungkhar Bawipa Pathian nih theih piin A Thluachuah chapchin ko hna seh tiah thluachuah halpiak buin,

𝑩𝒊𝒔𝒉𝒐𝒑 𝑫𝒓. 𝑪𝑲 𝑵𝒐 𝑪𝒉𝒉𝒖𝒎
𝐂𝐡𝐢𝐧𝐥𝐚𝐧𝐝 𝐎𝐱𝐲𝐠𝐞𝐧

Be First to Comment

Leave a Reply

Your email address will not be published.