Tuluk ram ah nu pakhat ekiin thianh tu “Lau ” tiah kawhmi nu cu a ekin thianh mi cu a thiangtuk cang ti theihfian nakah a ekin thianhnak ti cu a din i hi video hi netizen – hna lakah i elnak faktak a phan.
Global times nih a tarlangh ning ahcun hi nu hi thianhhlimh nak lei i a ttuanmi a si i a rianttuan mi a thiang cang ti langhter nak caah a ttuannak ekin chung ti a din nak hi a si i hi bantuk nu hi zohchunh awk tlak bak a si tiah an tarlangh.
A video clip second 32 hrawngah a ekin ttawlnak ti cu mi hmuh liao bak ah a din colh. Report i a langh ning ah hi nu nih ekin ti bak a din nak video clip hi Eastern chinna Shandong province leittha company in an lakmi a si tiah an tarlangh i a thei mi vialte an khuaruah a har dih.
Hi bantuk i company rianttuan tu pakhat nih ekin ti a din i a theimi nih an fak tuk mihi thil poi tuk a si a ruang cu nehsawh zomhteih lei ah a kal i hi bantuk thil hi a um zongah mi zapi theih awk le hmuh awk i phozar lo hi a ttha bik.
Be First to Comment