Press "Enter" to skip to content

EU Le Britain Nih Myanmar Ralkap Dantatnak An Chap Rih Lai, I Cei CikCek Hna Seh

EU Le Britain Nih Myanmar Ralkap Dantatnak An Chap Rih Lai
-=================================================================
Dai tein lam a zawhmi mipi kha ralkap nih ruru hranghrang in an kah, an doh, an zuanhnawh hna caah EU nih fak piin a mawhchiat than. Cu lawng si loin ralkap le palik nih mipi cungah a tuahmi thatlonak hna hi a rannak in ngol dingah EU i ramleng policy lei upa Josep Borrel nih cathanh a chuah.

Cun a ra liomi cawn nikhat ni ah Belgium ram Brussels khuapi ah tuah dingmi EU ramleng vuanci pawl tonnak zongah Myanmar ram kong kan ceih lai i hmual a ngei dingmi biakhiahnak kan tuah lai tiah Borrel nih a chimchap.

Mandalay ah dai tein lam a zawhmi mipi hna cu palik nih an kah hna caah minung pahnih an thi i minung 30 leng hliam an tuar. Cu ruangah EU nih Myanmar kong hi biatak tein ceih dingin an timtuah cang. Cun a thimi hna kongah tha tein hlathlainak zong kan tuah lai tiah an chim.

Britain ramleng vuanci Dominic Raab zong nih Myanmar ralkap cung i dantatnak an chap rih lai tiah a chim fawn.

Crd: Chin Post
Source: RFA

Be First to Comment

Leave a Reply

Your email address will not be published. Required fields are marked *