Press "Enter" to skip to content

EU Ti Ralbawi Nih, Ralkap Bawizik pawl Cu Kan Pi Suh le A Hawi Le Tlaihmi Thlah dingin A Hal Than Mi Hna hi An Yes Tak te Hnga Dik Maw?

Daw Aung San Suu Kyi He Tlaihmi Hna Thlah Dingin Myanmar Ralkap Cu EU Ti Ralbawi Nih A Hal
=============================================

Myanmar ramchung tu lio a cang cuahmah mi he pehtlai in EU i ral lei zipeng zung in ti ralkap Tongmangbawi Herve Blejean nih Myanmar ralkap tongmangbawi Soe Wine cu March 8 ah Telephone im an i chawnhnak kong cu EU nih thawngzamhnak ah a tial.

Mah hi February 1 i ralkap nih rampi nawl ngeihank a lak hnu ah EU nih Myanmar ralkap he pehtlai in a voikhat nak an i chawnhbiak nak a si.

Hruhru hranghrang in um le khuasak a rianrannak in ngol ding, duhlonak langhter mi ti khawh tawk in kilkawm ding, hliam tuar le nunnak liam mi um ter lo ding tiah vulei pumpi upadi zulh dingin EU Tongmangbawi Blejean nih Myanmar ralkap cu a chimh hrinh hna. Zei bantuk ralkap hmanh nih mipi cu a runven hna awk a si tiah a chim chap fawn.

Cu hlei ah ramkhel biaruahnak tuah dingin in le Democracy phung in thimnak a tuahmi hna tlaih mi Daw Aung San Suu Kyi le U Wine Myint telh in tlaihmi hna ramkhel upa pawl dihlak thlah dingin EU ti ralkap tongmangbawi Blejean nih Myanmar ram uknak la tu pawl cu a cah hna tiah EU lei nih thawng zamhnak ah a tial

RFA

Be First to Comment

Leave a Reply

Your email address will not be published. Required fields are marked *