Falam ah Covid 19 Zawtnak Kham Sii Chunh Hram An Thok Cang An Chunh Hmasa Bik Mi Nih A Chim Mi Cu (+Video)
Myanmar ramhuap Covid zawtnak dokhamsii chunh nak cu January 27 ah nei thok a si i Falam khuapi zong ah January 27, zinglei nazi 7.30 luan hrawngin siichunh nak an thok ve tiah theih a si. Myanmar ram i an tlangzarh mi Covid 19 dokhamsii Covidsheid cu India cozah nih Myanmar ram hrang dose ting 10 renglo a laksawng mi a si i kan ram ah January 22 ah a phan mi a si.
Rampi ngandamzung an chim bantuk in Falam zing ah ngandamzung i rianṭuan mi pawl an chunh hmasabik i Sii chunh nak i ai telve mi nih cun “Zinglei nazi 7 renglo deuh ah sii chunh hram an thok. Rampi ngandamzung an chim bantuk in a hmasa bik chunh mi ah kai tel ve.
“Sii he pehtlai in thawngpang a phunphun a leng nain, mithiam sang pawl nih a him an ti tikah biakhiah nak neilo in kai chunh ve ko.Tu tiang hi cu side effect zeihmanh a lang rih loh. Vaccine chunh tikih an tuar tawn mi cu, lufah,taksa fah ti bantuk khi a chuak kho vr than” tiah FOM sinah a chim.
Falam ngandam nak zung he ai pehparmi riamṭuan mi minung 400 renglo an um tiah theih a si i, culak i Covid dokhamsii ai chun cangmi pawl cu ni 28 hnu ah dose hnihnak an chunh tham rih hnalai tiaj thawngtheih a si. hmanthlak : Khar Te, Credit : Falam Online Media
