Press "Enter" to skip to content

Faphir a simi Unau hna pahnih cu Nu le Pa an si caah tthitumhnak an tuah piak hna

Thailand ram ah kum mi pa hngakchia le a phir pi a unau nu cu tthitumh nak puai tuahpiak an si. Khuaruah har ngai a simi cu hihna unau hi hngakchia an si rih pinah unau bak an si i hiti tthinhumh ding in a tawlrel tu hna hi an nu le an pa bak an si.

Hi bantuk i an i tthitumh nak a ruangbik hi a hlan liao chan deuh i an nunning he a rak i pehtlai mi a si i an i tthitumh nak puai zong sungsai taktak in tuah a si. hi faphir unau hna hi Thailand ram Bangkok pawngi Samut Prakan i chuak an si.

A hringtu nu le pa nih hin an fanu min ah Kiwi tiin an sak i an fapa min hi Guitar tiin an sak, Buddhist zumhnak ningin a nu le pa nihcun an cuahka tein hihna pahnih hi a hlan an nun ah nupa an rak si i tu-ah unau in a rak chuak tthan mi an si ti, an zumh ruangah an umhter mi hna an si.

Buddhist pawl ruahnak ahcun an i umhlo a si ahcun an upat tikah an cungah thil tha lo a phan sualla , tiin an ruah ruangah an nu le an pa le cu an thin a phang i a rannak i tthitumh nak an tuahpiak hna hi a si. Hi hna unau hi tthitumh nak tuahpiak an si nain hngakchia an si rih i nuva bantuk in an um theng a hau lo an puitlin hnu ah nupi le pasal dang veve an nei kho.

Be First to Comment

Leave a Reply

Your email address will not be published. Required fields are marked *