Press "Enter" to skip to content

Fate 4 Neih Buin A Pasal Le Fale Kaltak In Mi Patung Nupi He Umlio Mi Pa a Dawi Tu Cu Palik Nih An Tleih

Myanmar ram , Mandalay ramthen Mahlaing peng Yagyigone ohsuh Gway Mo Win khua i a um mi Daw Khin San Aye ( kum 35 ) cu pasal fate neih buin nupi neilo bak mi pa dang he an i umh ruang ah a pasal nih palik sin ah a va report i an pahnih in palik nih an tleih hna.

Daw Khin San Aye cu kum 15 liam cang mi ah khan a pasal he hin ai um mi an si i, fale 4 an nei cang. Tu kum October 15 ah a pasal le fale pa 4 zong zeihmanh chimta loin an inn a chuahtak i a lawi thai ti loh ti a si.

A pasal nih thilsining a van dothlat tik ah cun, U San Myint Maung timi kum 31 i upa ,nupi nei lio mi he hmundang ah an rak zamdiam ai. Zeitin dah an rak i chawnhmanh i an i umh ning cu theih a silo i, U San Myint Maung zong nupi le fale 4 nei cang mi a si.

Cutluk a thilton mi tihnung tuk mi cu ai sup kho loh i, palik sin ah kanupi he hin kan i then loh hmunkhat kan umti bu in padang a dawi mi a si pin ah a dawimi pa zong hi nupi he umti lio mi a si tiah report nak a va tuah.

Cuticun,, Mandalay palik pawl nih cun fale 4 le pasal nei bu in padang a zul mi Daw Khin San Aye le fale pa 4 le nupi nei buin nu dang nupi a nei i hmundang i a zampi tu, U San Myint Maung cu an tleih veve hna i, pohmah 13 buainak an orhter hna ( Myanmar News Journal )

Be First to Comment

Leave a Reply

Your email address will not be published. Required fields are marked *