Press "Enter" to skip to content

Federal Ralkap Cuanhnak dingah cun CRPH nih a thawk khawh rih lo hmanh ah Tlangcung Hriamtlai pawl nih kan thawk chung cang ko lai an ti.

Federal Ralkap Cuanhnak

Tlangcung Hriamtlai hna –UWSA (40,000), AA (20,000), KIO (14,000), RCSS/SSA (14,000), SSPP/SSA (8,000), TNLA (7,000), KNU (6000), NDAA-Mongla (6,000), MNDAA -Kokang (3,000)-Kareni -KNPP (2,000), DKBA (1,500),NMSP -Mon (1000), PNLO (600 +), NSCN-K (500), CNF (200 +), KNO-B -Kuki (200), KNLA-PC (200), ALP (100) (Source: Sai T. Lwin, and Burma News Intl. 2019) an si.

Zapi fonh ah 124,300 hrawng an si i reservist he cun 150,000 hrawng an si tinak a si. Tlangcung Hriamtlai pawl nih federal ralkap thawk caan a cu cang an ti.

AA zong hi pa 26 in rak thawkmi a si i atu 20,000, RCSS zong minung 28 in rak thawkmi a si i atu ah 14,000, SSPP zong 100 in rak thawkmi a si i atu 8,000, MNDAA zong 45 in kan thawk i atu 3000 in 6000 kar kan si, TNLA zong 22 in rak thawkmi a si i atu 7,000 in 10,000 deng hrawng kan si cucaah Federal ralkap hi 50,000 in kan thawk zong ah sing 5 ah kan i chuah te ko lai Kawl ralkap nak in kan tam deuh te ko lai an ti.

Zuamcawhnak Challenge pakhat bel cu-Tlangcung hriamtlai ralkap tam lak te sing khat deng a Uktu hna hruaitu (general) ceu khat pawl cu Kawl holh/ca an thiam lo an ti kho lo, harnak a um len.

Tachunhnak ah
1. UWSA kan ti mi United Wa State Army hi ka palh lo ahcun Kawlram hriamtlai ah a ngan bik an si, ralkap tam bik a ngeihmi an si i 40,000 leng an ngei i an khua Pangsang (phamkham) phak ah khoika ram dah kan phak ti ding phun khin a ropui. Singapore maw Hong Kong bantuk khua ropui a si. Cu bantuk cun Mongla zong Laukkai zong khua ropui an si dih. WA UWSA an hruaitu hi Bao Youxiang (ပေါက်ယိုချန်း) Poh Yuchian a si i. Kawl holh/ca ah harnak a ngei.

2. Myanmar National Democratic Alliance Army =MNDAA hi Kokang an si i an hruaitu Pheung Kya-sin (ဖုန်ကျားစင်း) hi Kawl holh/ca a harnak a ngei).

3. SSPP/SSA timi (Shan State Progress Party/Shan State Army) hruaitu စဝ်ပန်ဖှ zong RCSS/SSA -Restoration Council of Shan State/Shan State Army hruaitu Yawd Serk စဝ်ယွက်စစ် zong hi Kawl ca le holh ah problem a ngeih pah.
4. Cun Naga National Socialist Council of Nagaland (NSCN) hruaitu Thuingaleng Muivah le S. S. Khaplang zong hi Kawl ca le holh an thiam/ti kho rua lo. (source: ko lwin)

Cucaah a fawinak in chim ahcun Tlangcungmi ralkap sing khat deng a ngeimi hruaitu cheu khat upa hna cu Kawl ca le holh ah problem a ngeih pah. Cu caah Federal ram le federal ralkap ser ding ah cun holh hi phung 3 maw phun 4 in, Kawl, Shan, Wa le Tuluk le Mirang tibantuk in ca chuah tik ah Singapore le Switzerland bantuk in ca tial le chuah a hau te lai. Federal a hrampi i thawt-nam tehnak ah ti a si.

Cun Zuamcawhnak pahnihnak le a dang pawl cu
*Mipi ralkap ah an luh ahcun a tlawm bik thla 3 basic training.
*Federal ralkap taktak si ding ah cun thla 6 in kum khat tiang.

Hi an chimmi hi ruah ahcun atu bak ral thawh colh ti mi cu a si khawh ding a har, training lo cu ngah lo an ti.
Atu bantuk dothlennak Mei-alh a mih hnu cun mipi an thi a dai lai i ralkap do a fawi lai lo.

A taktak ahcun federal ralkap ser ding ah cun raltukning thiamnak tactic lei in challenges pawl a rak tam taktak.
UNFC an rak dirh hmanh ah Federal Union army – (KIA, TNLA, SSPP le kokang) hmanh kha command center ser khawh lo ruang ah a rawhnak hmanh a sau rih lo kha mu.

CRPH nih a thawk khawh rih lo hmanh ah Tlangcung Hriamtlai pawl nih kan thawk chung cang ko lai an ti. (Ho nih dah a bawmh khawh hna ti cu nizaan le tuzing ka postmi nih a langhter cang) Tuan ah kan luh lo ahcun Ralkap he a naihniam mi party pawl fonh in Election a nor sual lai i a caan a luan sual lai tiah micheu an phan.

Mipi le tlangcung mi pawl i duhsaknak le lungthawngnak tinh san langhternak cohlannak ah kan thawk bak ko lai an ti. Tuan ah maw hnu deuh ah an luh lai aa fiang cang tiah zumh a si.

Tarmi Hmanthlak: Josef Silverstein (1977).

Crd: Dr. Suihingz

Be First to Comment

Leave a Reply

Your email address will not be published. Required fields are marked *