Press "Enter" to skip to content

Fikfa ahrang ngai te. An miseh a fak ngai I, phing lak in mi an seh

Fikfa ahrang ngai te. An miseh a fak ngai I, phing lak in mi an seh. A thak ngai fawn. Kheuh deuh ah aphin le a thah azual. Raifanh zawtnak an chuah pi sual lai ti zong phan a um. Khiangthawng lawng mitthlam ah a cuang. Kuakkhu nih fikfa zeimaw zah a Kham caah ai rel.

Ramlak sa le ral lak ah thih le nun ri in ralhrang a do cuahmah mi CNA/CDF pasal tha le nusal tha hna mi hmuh lo ah an tem in mi a tam Ko. Zeihmanh chim lo te in an tuan ceomau peng mi khi upat lo awk an tha lo.

Biaralkah pi khin: thalphir he sentari congh hi hna a ngam ngai. Khat lei peng ah kuanrual, khatlei peng ah kuanpi. Kan tei hrimhrim lai. Credit; Salai Bawi Lian Mang

Thawngdang Relchap >>>><<<< Kawl Ralhrang Rallokap nih Saram Bang Mipi An Thah Ko Nain Biaknak Lei Upa Pawl An Holh Bak Lo I An Kaa An Cip Nak Aruang. Kawlram Buddhist ram tiah Uanthlaar ngai in Kawlte an si. Kawlte cu an zemlo mawi piak cu an ngaih thiam khawh. An Biaknak Buddhist soisel sual ahcun thih an ngamh.

An dong tein mi thah ding an si. Saram, Zuva, hngerhte, lungsil, Pualpuak, rungrul tiang in Nunnak a ngeih mi poah a ruang loin an thah lo. Hell ram tlak nak asi an ti. Paucan Dohthlennak ah mipi cu minung he I lawh loin, tuksapur tuk in ni fatin Rallokap nih, aruang pelte hmanh um loin, an kan thah zungzal hna. Buda le Krifa he, ni fatin an kan that ko. Thlarau angeih lomi saram, ramsa,

Vate, tizu ngacel, lungsil, khaubok, tiang in thah siang lomi, Kawl Phungki hna, Kawlram mipi an thah nak kong ah an kaa an I cip dih. Kawlram KRIFA hruaitu vialte zong zei hlei hlah. Jesuh nih Nunnak tampi pek awk le nun Duhdim pek awk ah ka ra ati. Ralhrang Rallokap nih Nunnak vialte hrawk in that awk ah le Harsat nak phunzakip pek awk ah ka ra an kan ti ve.

Tuurun hna zalam tlang le Ramlak ah relcawk lo an kan that ko nain, Dai tein aum mi Pathian rian ṭuan tu hna le Pastorte hna hi minung lungthin an ken hnga maw tiah tuak lo ah an ṭha ti lo. An holh lo, an kaa an I cip, Social Media tal ah au ve hna sehlaw, ngaithiam an um deuh hnga. Buddhist cheukhat cu sa ei an I sum I Tisik an hnah lawng an ei. Nunnak thah in ei phung asi lo an ti.

Minung tampi thah vial ah dai tein an um. Cheukhat Pastorte cu Third Party nan si rih (Hakha Pastorte, nan ka elh ahcun nan min in tar nan si lai). Phungki zong Dalaan tampi an um cang ti hi hngalh can kan cu cang. Kawlram Phungki nganbik Tidaku nih MAH lei ah aum bak ko. RC Pope tu nih kawlram mipi Pathian fa le rual hi zangfah tuk an si cang. Mi nunnak hi a man khung ter cang uh. T

hah sawh sawh ti hlah uh. Kawlram mi sifak bawmhchan ding in ka ti khawh chung kaa zuam lai a ti. Biktalin in thil a kal. Kawlram RC Luzik Charles Mg Bo aholh ve colh. CBCM timi Kawlram Bishop Pawlkomh nih an holh ve. Thanhca an chuah. Minung nunnak cu Van le Vawlei le a chung um mi thilri vialte nakin man khung deuh tuk mi asi. Ralhrang nih Kawlram mipi thah hi ngawl cang uh. Biakinn hrawk le mei khangh zong tuah ti hlah uh. Ngawl cikcek uh an ti hna.

KRIFA hruaitu dang cu ui thih in kan thih dih. 1/10 fir le CDM bawmhnak fir lawng ah kan tlo. Kan Tuurun tampi thihnak cu hnu kan chit. Kan Krifa bu le member tampi Lainawng tu pa cu na palh kan ti ngam bak lo. Hi tluk in nan mipi kan thihloh lio ah, nan fanau hna tampi cu Ralhrang kut in an pamh lio ah, Trinity le Oneness a elh salam mi Pastorte le Evangelist te hna hi nung awk ah aatlak mi nan si lo.

Thah phu bak nan si ko. Oneness le Trinity cu aluan cia kum 2000 ah vawlei pi ah rak I elhmi asi. A phi an chuak kho lo. An I tei ve ve lo caah phu hnih in an um law law. Mifimthiam le Mi nauta lo nih elh ci ah an ruah mi asi lo. Jesuh Zumhtu lawng lawng ti asi ko. Jesuh thawng lawng lawng in Thlawchuah tampi a co lai ti hi Jesuh bia asi. Trinity le Oneness kong ah Thlawchuah a tam bik a ti lo.

Vanram kainak ati fawn lo. I elh ti hlah uh, nan phu hnih in Chiatserh nak tu nan ing ve ve lai. Mi neng nan thla tuk cang. Ngawl cang rawh uh. Paucan Dohthlennak ah hin Jesuh rak ṭum sehlaw, RC Siangbawi te, Bishop te lawng hi Vanram kai ding an um hnga. A dang Pastorte hi cu Hell taw ne ah asi ko lai. Trinity le Oneness aa elh mi (2) zong kha Hell ram tho tho. Bambawk le mantak khi an si ko lai.

CDF le CDM bawmh tu belte Vanram tho tho. Non CDMers cu Hell taw ne ah. Mithah Lainawng tu cu Non CDMers. Korea film, Korea Fidi / Fitlaw, thilthuam kan uar I kan tlaihchan Bantukin Korea Pastorte hi tlaihchan ve cang hna usih. Japan nih Korea mipi an hrem hna lio, Nungak hna cu Nuam nak an hmang lio hna le an thah lio, Japan Taoism Biaknak biak ding ah hranhram in an fial lio hna ah:

Hmaisuan in a dirh mi, a chimh rel mi cu Korea Pastorte an si. Tampi an thah ve hna. Cucaah Korea nih Kan Hero rual cu Pastorte an ti hna. Nihin tiang an upat hna. Kan nih KRIFA hruaitu hna biatak tein khuatuak can kan cu cang lo maw? Pastorte vialte CDF, CDMers le mipi sin ah I fonh dih cang uh. Ral Tei zawk zawk cang usih. Mipi kan tem tuar tuk cang. Hero ve cang uh. Mipi Thahnawn nak tuksapur kong ah Kawlte Phungki rual an kaa an I cip nak aruang bik cu: Kawlram Buddhism Luzik cu

MAH asi caah asi. Tamada Tin Sein cu Ekah Maha Taze Sithu Degree an pek. Mah ti cu Mirang nih GREAT an ti mi Lianngan Ropui bik tinak nak. Taze Sithu cu Ralbawi Ralṭhat bik le Uktu nawl ngeih bik tinak asi. Buddhist Luzik ti aa tel lo. MAH Degree kan zoh lai. Ekkah Maha Tirih Tukdama Taze Sithu ti asi. Tirih Tukdama ti cu Biaknak Luzik zong ka si chih tinak asi. Buddhist Luzik zong ka si, Krifa Luzik zong ka si, Lawki biaknak Luzik zong ka si,

Kawlram Biaknak kip Luzik cu KEIMAH kasi ti nak asi. Cucaah sual aphawt mi Phungki cu thah cawlh khawh asi. Cucaah Kawlram Phungki a ahohmanh an holh ngam ti lo. The GREAT Of The GREATs timi Degree kha MAH an pek sual cang. Rome pennak ah Krifa le Rampi Luzik cu Sizaar SPH a si bang khan asi ko. KIRIFA Luzik cu SPH nih aduh mi a thimh ve. Cucaah RC le Protestants kan I ṭhen nak hi asi bik. Bu tamtuk aasem nak a hram cu SPH le Pope cu pakhat an si bal. CDFs,

CDMers le mipi nih kan doh cuah mah mi hi, Federal caa lawng ah asi lo. KRIFA le Jesuh pennak caah asi chih. Pastorte nih CDF le CDMers ah 100% nan um awk asi. 1/10 in CDF le CDMers bawmh ding zong asi ko. 1/10 le Thawhlawm cu Pastorte kha lairel awk ah ṭuanvo le nawl pek nan si. Pastorte thlacam nak he CDF le CDMers pek mi cu Justice timi a dik mi asi.

Pathian Chiatserhnak chimh hlah, Thluachuah rel cawk lo co nak tu asi ve. Na pumsa, thinlung dihlak, Fimnak dihlak, thazang dihlak in, CDF CNA lei um cang hna uh sih, Ka Upat mi Pathian fa le Pastorte hna. Kan zeizong te pek hmanh ning law, CDF caah aza kho lo dakaw. ZTC

Relchap >>>><<<< Chin ramkulh Paletwa ah ralzaam dirhmun in a ummi nu pahnih cu June 20 ahkhan bomb i lamhsualnak in hliam an tuar, tiah theih a si. Hliam a tuarmi nu pahnih chung in pakhat cu a hliamhma kong ah thinphang a si ko, tiah tualchung mi nih an chim.

An pahnih in Paletwa certual ralzaam umnak sakhan ah aa dormi an si. Paletwa in meng 6 hrawng aa hlatnak hmunah meh-haang an kawlnak ah bomb an i lamhsual tiah ralzaam bawmchantu Ko Aung Ni nih RFA ah a chim.

“Paletwa ralzaam sakhan in meng 6 tluk a hlatnak AbawngTa(အဘောင်သား) khua pawng ah meh-haang an kawl, eiding meh a har caah Rua-tuai an khiak. Faak ngai in hliam a tuarmi nu pakhat cu Sittwe siizung ah kalpi ding in timhtuah cuahmah lio a si,” tiah a chim.

Bomb i lamhsual in hliamhma tuarmi Ma Win Khae Ha, kum-34 cu a orhlei ke a kiak i, a mit khatlei aa hliamh caah a hliam hma a faak ngai. Paletwa siizung in Rakhine ramkulh Sittwe siizung ah kalpi ding in timhtuah a si. Daw Chit Khin, kum 50 cu a hliamhma a fah tuk lo caah Paletwa siizung ah cawnghhramh a si, tiah Ko Aung Ni nih cun a chim. Credit: The Chin Post

Be First to Comment

Leave a Reply

Your email address will not be published.