Press "Enter" to skip to content

Game Ai Kah Lengmang Ruang Ah A Nupi Nau Pawilio Mi Le A Fanu A Thah Hna I An Ruak Pawng Ah Zarhkhat Chung A It

Singapore ah a um mi patung Teo Ghim Heng (kum 45) mi nih a fa a pawi lio mi le kum 4 minung cu a thah hna i an pawng ah zarhkhat chung a it. 2017 kum i thilcang mi a si i, an konglam an dothlat hnu i thilhman an theih hnu ah tulong ah biakhiah nak an tuah hi a si. Teo Ghim Heng cu thi dingin a konglam an ceihpiak.

2009 kum ah Teo le Madam Choong cu an i um i fanu an nei. Teo i a riantuan mi zong a lam a tluang ngai i thlakhat ah S$20,000 zat bak a hmuh zungzal. Asinain, an chungkhar hi thumchuk lei an panh i leiba zong tampi an nei cang.Teo cu paisa thap in game ai celh tawn ruang ah an tumchuk deuhdeuh nak hi a si.

A nupi Madam Choong cu nau a pawi i thla 6 a kim cang, Chawva an neih ti lo ruang ahJan 18, 2017 chun ah khan faktuk in an nupa cun an i si.Teo nih cun a fanu cu keimah fanu zong a si lailoh tiah a ti.A ruang cu 2014 kum ah a nupi nih hin padang a rak komh ruang ah kafanu zong a si bal lai loh tiah zumhnak a nei.

Leiba an neih tamtuk ruangah Teo cu a thin a hang zungzal i a bei a dong tuk hringhran. a nupi he an i si zungzal fawn. An fanu sianginn kai nak zong an pek khawh tilo ruang ah Jan 20, 2017 zing ahcun Teo nih siang inn kai ti lo ding in a ti.

Cutikah a nupi nih ‘Mi santlai lo pa’ tiin a au hnawh chih ruang ah a thinhang tuk i, a nupi cu towel nih hri in a reh i a thah. a fanu ṭap tuk mi zong cu a thah lawlaw ti a si. Cuticun, a nupi ruak le a fanu ruak pawng ah cin zarhkhat chung bak can a hmang. amah le mah zong hi vawitam tuk i thah a rak i tim cang mi a si.

A nupi upa nih a farnu cu a phone tawn, ca zong a kuat i a leh bal lo ruang ah a khuaruah a har tuk. Cun, Chungkhar puai an tuah nak zong ah a chuah ti lo ruang ah a khiaruah a har tuk i a tapa cu an inn ah a va kal cu thil tihnung a cang mi cu a va hmuh. Cuticun, palik pawl a chimh hna i Teo Ghim Heng cu an tleih. (Ref: Straits Times)

Be First to Comment

Leave a Reply

Your email address will not be published. Required fields are marked *