Press "Enter" to skip to content

Gates le nupi Malinda:Nih Coronavirus sii a man awlh tein an zuar lai.

Vawlei cung mirum hna lak ah minthang bik pakhat le mirum bik pakhat zong a si vemi Bill Gates le nupi Malinda Gates hna nih rian an ttuannak Bill & Melinda Gates Foundation nih a dirhmi GAVI (The Global Alliance for Vaccines and Immunizations) nih tulio vawlei pi ah a vaak cuahmahmi Coronavirus zawtnak khamnak ding sii (vaccine) cu $3 in an zuar lai.

World Health Organization (WHO) zong nih vawlei cung ram hna lak ah income a tlawm deuh maw a zatawk neimi hna ram sin ah Covid-19 zawtnak a rannak deuh in chek khawhnak seh pawl cu an mah le an ram sining tein an cawk khawh ding man zat tein kuat le zuar an i tim.

World Health Organization nih hin Covid-19 zawtnak chek khawhnak seh hi a sang bik in $5 in vawlei cung ram kip ah kan kuat hna lai timi thawngpaang a chuah hnu tlawmpaal ah a tu bantuk in GAVI lei nih Covid-19 khamnak sii cu $3 in kan zuar lai, vawlei cung zei bantuk ram sifaak zong nih hmuh lo timi um hlah seh tiah thawng an thanh colh ve.

An ram sifah ah maw an rum zongah Covid-19 zawtnak sii he pehtlai in zei bantuk ram hmanh hmuh lo le tem lo ti a um lai lo, a tu bantuk in kan i funtomnak nih hin hmailei kaar kan hlaannak ding caah lamthar a kan sial piak zong si.

Cun a bik in vawlei cung ram thlanglei kap ah ummi ram hna caah vaccine hi serchuah deuhmi a si nain Covid-19 vaccine ttha tein kan chuah khawh hnu cun vawlei cung ram khoika paoh ah hrelh lo bak in kan bawmh dih hna lai tiah GAVI lei in Dr. Seth Berkley nih a chim.

Hi Covid-19 vaccine man hi pumkhat ah a tam bik $3 a si lai, Coalition for Epodemic Preparedness (CEPI), Bill & Melinda Gates Foundation le SII (Serum Institute of India) timi hna inverstment tuahnak in an hmuh khawh dingmi man (price) a si tiah GAVI lei nih cun a chim chap.

Be First to Comment

Leave a Reply

Your email address will not be published. Required fields are marked *