Press "Enter" to skip to content

Gen- Min Aung Hlaing Nih Thongtla A Chuah Mi Hna,Konglam Ah Thonguk Bawi Nih Fianter Nak A Chim Ve Cang

Thongtla a chuahmi pawl, a thar in luatter mi pawl nih upadi lawnh in sualnak an tuah than ahcun hmasa an rak tuah ciami case he an tuah thanmi sualnak case he tiah case pahnih fonh in dantatnak pek an si lai tiah Yangon ramthen thonguk bawi U Zaw Zaw (Director of Rangoon Division Prison Department) nih DVB ah a chim.Aa-naa ting Council ralkap cozah nih zan ah leng chuah lo ding timi nawl an chuah nain Yangon, myone tampi lam cungah a vak mi nizan thong chuah pawl cheukhat telh in khoika minung ti theih lomi pawl an lut caah sang mipi hna nih an dawi i tlaih an i zuam ve.

Tu zan tiangah tam lak te an tlaih ve cang. Pu J. Biak Tin Sang chimmi Hmawbi myone ah minung 7 antlaihnak kong zong kha theih a si.Atu thong chuakmi/luattermi pawl nih sualnak an tuah than ahcun an case um ciami he an tuah thanmi sualnak case he fonh in dantatnak tuah an si lai. Atu an luat mi hi sikaan ri khiah piak mi an um. A leng ah cu sikaan an buar ahcun tuanvo ngeitu palik sin chanh (up) ko uh. Nan chanh hnuah atu an tuah thanmi sualnak he an case um cia mi he case pahnih in an tuar than lai.”

Prison Department nih cun anmah lei umnak inn cio ah tha tein kan kuatat hna. Nain anmah zong an inn ah an um duh le um duh lo kan thei ve ti lo. A cheu a chuak i a vakmi zong an um ve ko lai teh. Hi kongah kanmah nih hi bantuk tuahter ding in hramhram in khua kan khanmi a si hrimhrim lo” tiah a chim.Yangon myone tampi ah nizan mipi nih an tlaih khawhmi hna chung in thong chuak hna, ritthaisii a tongmi hna, kum 18 tang ngakchia tleirawl tete zong an i tel.

Tu lio Kawlram chung khuapi deuh ah tu bantuk a cang hi a si. February 12 ni ah Kawlram pumpaluk in thongtla luattermi minung 23000 leng an si i, Yangon, Insein thong inn in minung 1000 leng an luat ve tiah theih a si.

Be First to Comment

Leave a Reply

Your email address will not be published. Required fields are marked *