Gen-Min Aung Hliang Cu A Nun Phung A Simh Loah Cun US Nih A Rengh Lai
Tutan kawl ralkap nih uknak an lak cu Kawlram mipi long hlah, vawileicung a hninh dih ko. Vawleicung news pipi nih hi kong long te hi ttial cio a si. Kawlram mipi zong kan celh cio lo. Hmai suang in lam zawh a hruaitu an um lo ruangah khuaci a muih rih lo a si.Hi kongah vawleicung nih pacan bantukin bochanmi US nih zei dah a tuah te lai timi hi hna tun cio a si.
Cheukhat nih cun Economic Sanctions lawng si loin hriamnam he vun luh hnawh sehlaw Min Aung Hlaing le a naule vialte an hramin vun phuai viar hna seh tiah saduh tthat cio a si.Cu kongah Chinmi kan pa pakhat a si ve mi Pu Zo Tum Hmung A Facebook ah hi ti hin a ttial. ”MAH nih a zia a tthinh lo ahcun U.S. nih Actions a lak lai. Economic Sanctions lawng a si lai lo. Zeibantuk Actions dah a si hnga” tiah a ttial.
US nih vun kan luhhnawh taktak tuah sehlaw cu, kawlram mipi zong kut long bak in kan chuak ngam viar lai i, MAH le a naule pawl cu an hram bak in phuai an si ko lai. Tu hmanh hi a bikpak tete duhlonak langhter pah a si cang. Tuan ah an tleihmi pawl an thlah hna lo ahcun fak taktak in lamzawhnak a um te hrimhrim te zumh a um.Pu Zo Tum Hmung nih a chim bantukin US nih Economic Sanctions long siloin action dang cu vun la zawkzawk hram ko seh.
Kawlram mipi kan temtuarnak le kan hrum ainak a sau tuk cang. Democracy deu in cozah term hnih te an vun kan tepter mi hmanh kan i nuam tuk.Tucu a tep te longin an kan tepter i ei taktak a zat hlan ah an kan chuh tthan hoi. Zei bantuk lungthin khi maw an keng hnga? Saram hmanh nih a phunkhat hawi sinah dawtnak le zawnruahnak lungthin a ngei. Saram lungput tal cu an thluk hnga lo. Zo Tum Hmung
