Press "Enter" to skip to content

Gen- Min Aung Hliang Nih Kum Khat Chung i,A Tuah Hnga Ding Mi Thil A Puan Dih Cang

Entainak In A Chuakmi Kehkuainak: MAH le a unau pawl hi 2015-2020 chung NLD hruaimi Hluttaw le cozah chung ah khan an ipittet ngaingai i an thutsia a rem ti lo. 2020 thimnak hung chuak ciammam maw NLD vangkheng in a tengh dih hoi hna.Party pakhat nih thawngtuk in ram a hruai ding an ruah ah an ihngilh kho ti lo. Asinain election hlan te khan MAH le a minung pawl hi an rak buai pah cang.

Tukum thimnak cu a dikfel lai lo asinain result cu kan pom ko lai hei ti phun in biasi an phai cia cang. Thimnak result chuak kaw kan pom lo an ti daih.Result kan zoh lai tiah Union Election Commission an hal len hna nain an pe duh nemmam hna lo. (Ziah election hi a dikfel ko ahcun result an pek duh hna hnga lo timi hi ruah awk a um ngai). Cun 2020 thimnak ahhin tlangcung party vialte nih zeimawzat teinak rak hmu cio hna sehlaw,

Coalition government a chuak ding hna rak sisehlaw uknak hi an la hnga maw ti zong ka ruat thulh. Uknak a lak i hruaitu an tlaih hna, pehtlaihnak a chah dih nain tlawmpal lo ah a on dih than. Pehzulh in a tuah timhmi thil 6 a hun chuahpi colh. NCA cu ka si khawh chung ka pehzulh lai a ti.

Cozah riantuan paoh nan zung rian pehzulh ko uh a ti. Meithal zunkhat hmanh puak lo tein nihin tiang cu mizapi zong buaituk loin kan um. Hi pawl zoh tikah Election kong i a buai lioah cozah nih zeihmanh i a rellomi siseh Naypyidaw le Yangon hrawng i ttheng nganpipi a chawhvah ter lio zongah,Capo awsam men in kan um i mizapi nih kan ttih lo tukmi hna ruangah thinphawh in an nawlngeinak an langhter bantuk hna a lo. Cold War lio i Vawlei cung Super Power a simi US le Russia entainak ruangah Vietnam, Korea le Middle East ram pawl nih temtuarnak an rak in zong ka hun ruat.

Cun nihin tiang mizapi zong harnak langhan in a pek lem lomi le pehzulh in thiltuah a timhmi pawl kong lengah tlangcung hriamtlai he pehtlaihnak a hrawh lomi pawl zoh tikah nawlngeihnak langhter duhnak entainak ruangin hi uknak laknak hi a si ko rua lo hlah maw ti khi ruah awk a um ngai.

Asinain hi ralkap sermi cozah hi an pom lai maw an biachawn duh lai maw ti cu ruah lo awk a tha lo mi a si. Cun khat lei ah tlangcung mi nih kan duh ciomi kan phunghrampi remhnak le Federal hna pe in kar kan hlan pi citcet sehlaw MAH hi Hero ah ichuah khawh zong a si hoi.

Anmah hrawhmi ramhi anmah kut in remhthan i anmah hmai iphiah zong an duh a si sual hnga maw? Ralkap nih a hlan bang hramhram in an kan uk ko ahcun tlangcung miphun vialte komh in dirhmi ram le Kawl lawng umnak ram tiin kan rampi hi ram pahnih ah aa then te kho.

Cuti i kawl loin khuasak cu tah kannih Chin Mi hna kan ngamh lai maw? Kawl lo cun khuazei fang, chiti, cite le ngapih dah kan ei lai i hodah lam a kan cawhpiak in sianginn le sii-inn a kan sakpiak lai a timi pawl kha khu vun ruat tuah ulaw…Kannih Chin cu Kawl he kan ifonh ko lai nan ti te lai maw?

A tamtuk cun rel nan huam sual lai lo. (Tutan thil cang ruangah NLD in DASSK a chang khotu mizapi bochanmi hruaitu ttha a chuak kho i NLD pennak Ni a tla kho fawn). Credit: Salai Ngun San Aung

Be First to Comment

Leave a Reply

Your email address will not be published. Required fields are marked *