Press "Enter" to skip to content

Good News : KIA Ralkap Nih Kawl Ralkap An Phomh Vee Cang Hna

KIA ralkap hna nih kawl ralkap hna cu an kah ve cang hna.Kawlram uknak a latu Kawl ralkap pawl le KIA cu nihin ah fak taktak in an i phomh cang tiah theih a si.Nihin February 20,2021 zanlei sml 2:00 hrawng ah khan Shan ramkulh Muse myo chak lei ah KIA hriamtlai le Kawl cozah ralkap cu fak taktak in an i kap tiah Kachin News nih an chim.

Kawl cozah ralkap lei thazang tampi an si KIA lei zong thazang tampi an si ve. Kawl ralkap lei in a thimi le hliamtuar mi an tam caah Kawl ralkap lei hnu ah an pil tiah theih a si.Ralkap nih uknak an lak hnu ah KIA nihcun mipi sandah piahtu ralkap nih nan thazang in nan ti hna ahcun kan miphun kan ven hna lai tiah cathanh an rak chuah.

Sihmanhsehlaw Kawl ralkap le palik nih ngai loin Myitkyina khuapi ah sandah piahtu mipi cu meithal in an kah hna, an tlaih hna thong an thlak hna. A tu cu KIA nih an bia bantuk in Kawl ralkap cu an phomh ve taktak ko cang hna hih.Ralkap nih uknak an lak hnu ahhin hriamtlai pawl nan dai tuk timi bia a leng tuk. Nihin tiang ah RCSS le KIA he lawng uknak an lak hnu ah an i kap rih tinak a si.

February 1,2021 ni ah ralkap nih uknak an lak hnu in ram chung buainak a zual hma. Nihin zong ah Mandalay ah sandah piah tu minung pahnih palik le ralkap meithal kahnak in an nunnak a liam cang. Minung 30 tluk hliam an tuar rih.
Sandah piahtu mipi cung ah ralkap le palik an puar chin lengmang cang. Mipi lei zong an thin a lin chinchin ve cang hna. Kan ram hi a buai tuk cang. NCA min a thu ciami hriamtlai pawl zong nih ralkap he i ton hi an duh ti rua lai lo. Mipi lei ah kan tang an ti cang. Daihnak a um khawhnak hnga cabuai cung ah i ton le biaruah siseh timi kha ralkap nih a buar cang tiah an chim.

Be First to Comment

Leave a Reply

Your email address will not be published. Required fields are marked *