Good News! Mipi Hriamtlai Nih Ralhrang An Luh Hnawh I, An Kah Hna I, Ralbawi Ngan Talh In Rakpa 5 An Tlaih Hna 5 an Thah Tak Hna

Thiri Khua SAC Ralkap Gate Karenni Ralkap Nih An Kah, Captain Pakhat Tel In 5 A Nung In An Tlaih Hna. Shan – Karenni ramri , Moebe nitlaklei Thiri( ထီရိ) khua ah um hmun a khuarmi SAC ralkap gate cu nihin May 12 zinglei ah Karen ralkap phu hna nih an luhhnawh, an kah hna i SAC ralkap Captain 1 telin minung 5 an tlaih hna tiah theih a si.

“Zinglei Sml 4:00 hrawngah meithal thawng kan theih, zinglei Sml 6:00 hrawngah SAC ralkap Phekone ( ဖယ်ခုံ)in hriamngan in an kah, Sml 7:30, 8:00 hrawngah cun vanlawng in an kah tthan hna, Fiang in kan thei rih lo nain SAC ralkap minung 5 a nung in an tlaih hna tiah kan theih, SAC camp ah ralkap pa zeizat an um ti fiang in kan thei lo” tiah khuami pakhat nih a chim.

Kahdohnak kong ah Karen ralkap lei in cathanh chuah mi cu a um rih lo nain a rauh hlan ah an chuah ko lai tiah khuami pakhat nih Khit Thit Media ah a chim. Credit: The Chin Post

Zeehpyukone khua umhmun khuar Council ralhraang le Pyo Saw Htee hna cu MRDA le tangti phu komh nih an kah hna i ralhraang 20 hrawng an thi. May 12, 2022. Sagaing ramthen, Pale peng, Zeehpyukone khua Council ralhraang le Pyo Saw Htee hna sakhaan cu MRDA le KUG aiawh GYZ nih May 10 zing suimilaam 11:00 hrawng in an kah hna; Zaan suimilaam 7:30 tiang kahdohnak a chuak i ralhraang lei a tlawm bik 20 hrawng an thi tiah MRDA nih thawng an thanh.

Cu council ralhraang le Pyo Saw Htee sakhaan cu MRDA le tangti phu komh nih an kah lio ah North Western Military Command (Nah-Mah-Khah) in raltuknak helicopter pakhat nih zaanlei suimilaam 2:45 ah minutes 45 chung hrawng a rak kah bawmh hna. Ralhraang pawl bawmh awk ah motor in a ra mi hna cu Salinkyi hrambunh MRDA le တဇောက်ကန်းဘဂျမ်း phu nih bomb an puah hna i ralhraang motor pakhat a rawk dih i pathum zong an i rawk pah tiah MRDA nih an chim.

Cu sakhaan cu MRDA le tangti phu komh nih pehzulh i an kah i Nah Mah Khah in zaanlei suimilaam 6:50 ah hellicopter pakhat in an rak bawmh than hna. Ruah a sur i khua a fian lo ca ah MRDA le tangti phu hna cu hnulei ah an kir than. KUG aiawh GYZ phu in pakhat a thi tiah kan theih. Source: Khit Thit Media