Good News : Police Minung 4 Hna cu uar an um kho taktak
Nawlngeihnak a la tu Ralkap Cozah cu an hmunhma a bi lengmang. Kawlram mipi chim lo, Vawleicung Ram 180 hmanh nih an cohlan ti lo. CRPH le bang nihcun Myanmar Ralkap tiah au ti loin Ralhrang Phu tiah min an pek cang hna. Ralkap Cozah cu an dirhmun a hman chin thluahmah ti lo, an sung dengmang cang ti khawh a si.
A tu chunghrawng hoih hna cu Palik Bawi telh in Palik tampi cu an lung a fim thluahmah cang i, Ralkap uk a thatt lo nak an theih chin lengmang caah an rian in chuahnak ca an tial cuahmah cang hna. Palik cheukhat cu CDM ah an i tel i, a cheukhat cu a dihdonghnak in an rianchuah dingah ca a tial mi zong an um len cang.
Nihin zongah RFA Burmese nih mahtihin an langhter than cang. Thawngttha lei a si chin lengmang ko. Ralkap uknak tangah pehzulh in riantuan an zuamti lo caah Ahmat 18 Palik Sakhan Cheu, Palik Bawi (Duh-Ye-Aoh) pakhat le Palik Minung 3 cu CDM tuah ding in February 27 thawk khan Palik Sakhan in an chuak tiah RFA Burmese nih an langhter.
Palik Sakhan in an chuah ahhin Hriamnam thilri pawl le pehtlaihnak thilri pawl zeihmanh an la chih ti lo. Chuahnak ca lawng an tial tiah theih a si. A tu tiang hi cu CDM a thawn chin lengmang caah kan tei hrimhrim ko lai, uknak ttha kan hmu ko lai tiah mipi nih zumh cio mi a si. laitheihtlei
