Press "Enter" to skip to content

Good News : US Biaceih Zung Sang Bik Mi Rian Tuantu Ah Khrihfa Mi Thim Cuahmah An Si

Tulio US ram a sangbik Biaceihnak Zung (U. S Supreme Court) Biaceihtu 9 chungah Republican party presidents nih biaceihtu an rak thimmi 6 le Democratic party presidents nih an rak thimmi biaceihtu 3 in an um lio a si. Biaceihtu 7 hi Khrihfa (Catholics paruk le Episcopal pakhat) an si i, 2 hi Judah Biaknak an si.

President Trump nih kum 4 president a ṭuan chungah Supreme Court biaceihtu 3 a thimmi hna cu tlamtling tein fehter an si. Cu hna cu; Neil Gorsuch, Brett Kavanaugh le Amy Coney Barrett hna hi an si. An pathum tein Khrihfa (Catholics) an si. Neil tu hi Catholic in Episcopal ah aa ṭhial ṭhan tiin an langhter.

President Obama nih kum 8 president a ṭuan chungah biaceihtu pahnih US Supreme Court ah a rak thim manh ve. – Sonia Sotomajar (Catholic) le Elena Kagan (Judah biaknak) an si. President G.W. Bush nih kum 8 president a ṭuan chungah biaceihtu 2 Supreme Court ah a thim ve hna: Tulio Supreme Court lubik a simi John Roberts (Catholic) le Samuel Alito (Catholic) an si.

President Clinton nih president a rak ṭuan chungah biaceihtu 2 Supreme Court ah a rak thim ve. Stephen Breyer (Judah biaknak) le Ruth Bader Ginsbur (Judah Biaknak) an si. Ruth hi September 18, 2020 ah khan a nunnak a liam caah amah ai ah Amy thim a si. President G. H. W. Bush nih kum 4 president a ṭuan chungah Supreme Court biaceihtu pakhat Clarence Thomas (Catholic) a rak thim ve.US milu 20% tluk hi Catholics an si. Biaceihtu Bawi sinak dingah zumhawk tlak an si a lang ngaingai. Ref: Wikipedia ( Biak Hmun Lian )

Be First to Comment

Leave a Reply

Your email address will not be published. Required fields are marked *