Press "Enter" to skip to content

Hakha Ah Tuzing Kahdohnak A Chuak

Tuhi kan ralkap nih Halkha pelek sakhan an phomh lio si. 8/8/22 Nihin zingka 5:43 in rungtlang in hriam ngan vui 7 leng an kah hoi cang khoi ka lei si cu hngalh si lo,HK a tlerh dih, a pin tuk an ti. Salai William Hlawnceu

Yangon Ramṭhen Laak Khawh Ding In kahdohnak Kan Tuah Lai, Tiah Pyituh Brigade Nih An Thanh! Yangon ramṭhen chung hriamtlai phu hna nih ṭangrual in an dirhmi Pyituh Brigade nih cun, SAC ralkap pawl cu dot thum in kan doh hna lai i, Yangon ramṭhen laak ding in kan i zuam lai, tiah August 7 i zoom biaruahnak ah chinphuannak nawlngeitu nih a chim.

“Yangon ramṭhen laak khawh ding in kan i zuam lai. Cu thil kan tuah khawh nakding ah cun kahdohnak ningcang tein tawlrel a si. Yangon ramṭhen um SAC ralkap hna cu dot thum in kan kah hna lai. A voi khatnak cu Rosy Wave (နှင်းဆီလှိုင်း) tiah min pek a si, Rosy Wave (နှင်းဆီလှိုင်း) ah cun faak tuk loin kan kah hna lai. Puahkehnak ti bantuk hmang in doh an si lai.

A dot hnihnak cu Eagle Wave (သိန်းငှက်လှိုင်း) tiah min pek a si i, Rosy Wave nakin faak deuh in kan cawlcaang cang lai. A dot thumnak cu Dragon Wave (နဂါးလှိုင်း) tiah min kan pek i, a dot thumnak ah cun Yangon ramṭhen laak ding tiang in kan kah cang lai,” tiah chimphuannak nawlngeitu nih cun a chim.

Atu tiang ah cun Rosy Wave chung tiang lawng cawlcanghnak tuah a si rih i, a rauh hlan ah Eagle Wave (သိန်းငှက်လှိုင်း) dot in kahdohnak kan tuah cang lai, tiah Yangon ramṭhen Pyituh brigade in chimphuannak nawlngeitu nih cun a chim chap. Yangon ramṭhen Pyituh Brigade phu cu April thlachung ah hriamtlai phu 16 i fonh in dirhmi a si i, Justice Lady Mission min in a luancia June 27 ah cawlcanghnak an rak tuah. August thlachung zong ah cawlcanghnak voihnih an tuah cang. the Chin Post

Sgaing Ramṭhen, Kankai Khuami SAC Ralkap Kut In A Thimi Ruak 7 Hmuh A Si, Inn 145 An Khangh: Sagaing ramṭhen, Depeyin peng, Kankai(ကိုင်းကံ) khua cu SAC ralkap nih an khangh i, Inn 145 a ciam, khuami minung 7 zong an thah hna, tiah tualchungmi pakhat nih a chim. Innlo an khangh pinah hin an cinthlak pawl le an seh thilri pawl zong an khangh dih i, khuami ruak 7 zong hmuh a si.

Cu lawng siloin Sawphyo (လှေျာ်ဖြူ) khuami le Kankai khuami hna cu SAC ralkap nih ralphaw ah an kalpi mi hna zong atu tiang an thlah rih hna lo, tiah Depeyin peng Nyi Naung(ညီနောင်) phu in rianngeitu pakhat nih a chim. Nihin August 7 zong ah Ayardaw peng Kaungthit khua cu SAC ralkap pawl nih an khangh i, a langtlang lawng in hmuh khawh a si caah inn zeizat dah a kangh fiang in theih khawh a si rih lo. The Chin Post

Be First to Comment

Leave a Reply

Your email address will not be published.