Press "Enter" to skip to content

Hakha Campaign For Justice(HCJ) page tlaitu nih HCJ page hmang in a zumh deuh lomi le a rem lo deuhmi poah kha ralkap da-lan(spy) nan si tiah a thangchiat tawnmi hna khi tihnung ngaimi a si.

Hakha Campaign For Justice(HCJ) page tlaitu Salai Tluangte (Salai Nun Hlawnceu) nih HCJ page hmang in a zumh deuh lomi le a rem lo deuhmi poah kha ralkap da-lan(spy) nan si tiah a thangchiat tawnmi hna khi tihnung ngaimi a si. Tet-te a um lo tikah da-lan an si taktak le si taktak lo theih khawh a si lo, an si taktak lo sual ahcun minung thah bantuk a si.

Keimah lila zong kha HCJ le Hakha mino min hmang in da-lan a si tiah aka puh i thah ding tiang warning aka pek ve.

Salai Tluangte(Falam chuak si i Hakha Post editor a tuan) hi online ah aka doh lengmang mi a si nain Hakha Shanlay dawr ah voikhat zuu ka dangh balmi a si(kei ka ding lo, hotpot ka ei). Chin ram chung har ton caan ah bawmh hal piak lei ah a cawlcang kho ngai. Pakhat nih a chimnak ah cun Prado motor ai cawkmi zong khi bawmh halnak phaisa a zuhmi in ai cawkmi a si a ti(a dik le dik lo ka thei lo).

Anih hi Hakha i Defense Task Force caah phaisa bawmh halnak ah a cawlcang taktakmi a si. Nain, interview an tuahnak video cheukhat zoh tikah Hakha hotel deuh ah a riak, zei phaisa dah a hman timi cu theih khawh a si lo.

February 2 ah khan The Hakha Post page ah VP Henry Van Thio cu Min Aung Hlaing cozah ah vice president a tuan rih ko tiah a rak tial bal. Inbox in a dik lo tiah ka chimh hnu ah a delete than.

Hakha Post buainak ah Za Biak Thawng forh in Papui thawlnak hnuphen ah a cawlcang bikmi a si tiah ka theih fawn. Papui an thawl hnu in reporter to editor rian a kai ve. Anih cu buainak ah a hnu in a cawlcang, tutan Hakha sandahpiah zong ah a hnu in a cawlcangmi a si, phaisa bawmh hal lawng ah a hmai a kal tiah amah he naihniam pakhat nih aka chim.

Salai Tluangte a catialmi nih HCJ page hmang in Hakha mino tampi thazaang a pek hna, thiltha ngai a si. Nain, a dik le dik lo fehter loin amah ruahnak menmen in a rem lomi a thangchiat tawnmi khi tihnung ngaimi a si. Ai ralrin ve a hau.

Crd: Salai Lung Thli Tum

Be First to Comment

Leave a Reply

Your email address will not be published. Required fields are marked *