Press "Enter" to skip to content

Hakha cawbuk sang gate hngak tu ralkap an lungre a thei tuk ai CDF pawl hitin bia an cah hna

Hakha cawbuk sang um, check gate cu atu le atu kah a ton caah SAC ralkap le palik a thimi le hliam tuarmi an um lengmang. Khualtlawng mi pakhat min langhter a duh lomi nih cun, “Cawbuk check gate hngak ralkap nih khual na tlawnnak ah CDF na hmu hna maw? An tam maw? tiah an ka hal i, an tam tuk, 5000 hrawng cu an si lai, tiah ka leh hna.

“Cu bia an theih cun, zaangfahnak tein khual na tlawn i, CDF na hmuh hna ahcun kan kap ti hna hlah seh, tiah rak kan chimhpiak te an ka ti. Cupinah kah an kan timh na theih sual ahcun rak kan chawn te tiah an phone number zong an kan pek,” tiah The Chin Post ah a chim. Cawbuk check gate cu Agust thla 1-8 tiang ah voi hnih kah an tong i, a thimi le hliam tuar mi zong an um, tiah theih a si.

Aizawl Ah A Voihnihnak Myanmar Ralzaam Bawmh Halnak Ah Ks. Sing 38 Leng An Hmuh: Kalay peng ralzaam hna bawmhnak ah India ram, Mizoram ramkulh, khualipi Aizawl ah zatlang bu hna i bawm in August 6 ah bawmhhalnak an tuah i, Rupees 152,079(kyats sing 38 leng) an hmuh, tiah theih a si.

Cu bawmhhalnak ah cun MZP, MZI, MDM, PUMP, NUFDM, Mizo Student’s Union, Lemcang thiam phu le ramkhel ah a cawlcang mi phu hna nih bawmhhalnak an tuah. A luancia July 30 lio ah a voikhatnak bawmhhalnak an tuah i, Kyats sing 23 an rak hmuh. A ra laimi August 15 ah Kalay peng ralzaam hna ca ah a voithumnak bawmhhalnak an tuah ṭhan lai, tiah theih a si. the Chin Post

Chin ramkulh, khualipi Hakha Pyidawthar sang palik sakhan ah puahkehnak a chuak, tiah theih a si. Hakha ummi pakhat nih, “Nihin August 8 zing sml 7:15 hrawng ah palik sakhan kah a tong. An kah caan cu a sau lo,” tiah The Chin Post ah a chim. August 7 zan sml 8:00 in 9:00 karlak ah bomb thawng a thang ngai. Nihin zinglei dei hlan zong ah bomb thawng cu voi tam ngai a thang, tiah a chimchap.

Nihin cu Dawr khar dih u an ti caah kan khar kan khar, tiah Hakha dawr ngeitu pakhat nih cun a chim. “Kannih hi dawr khar u ti thawng cu kan theih ko nain, kanmah pumpak cu an kan chim lo. Kan khar hnga maw kan i laklawh ngai. Midang an khar dih ahcun kan khar ve lai,” tiah Hakha dawr ngei pakhat nih cun The Chin Post ah a chim ve.

Ne Win chan lio kum 1988 ahkhan democracy dirhkamhnak ruangah rampi buainak a rak chuak. Nihin cawn nikhat ni hi ’88 buainak a chuah kum 34 nak a si. ’88 buainak ah khan ralkap nih nawlngeihnak an lak i, a hnu kum 23 chung uknak an tlaih. 2011-2021 tiang Myanmar ram cu National League For Democracy(NLD) hruainak tang ah democracy muisam a vun keng nain ralkap hruaitu Min Aung Hlaing nih 1 February, 2021 khan nawlngeihnak a lak ṭhan. The chin Post

Be First to Comment

Leave a Reply

Your email address will not be published.