Press "Enter" to skip to content

Hakha Dalan Tumtlang Meithal in Kah a Tong

Hakha Dalan Tumtlang Meithal in Kah a Tong, a Zualhma
————
Tihni zaanlei ah Hakha, Khuathar ah SAC ralhrang thawngpetu tiah an timi Dalan tumtlang U Yan Naing Lin meithal in kah a tong i zualhma in Hakha sizung ah an chiah, tiah thawng kan theih.
Minung pakhat nih, “Hi pa hi Hakha dalan tumtlang taktak an timi a si. A lu telh in hmun thum ah meithal kuan in an khen i Hakha sizung ah zualhma in an kalpi,” tiah a chim.

U Yan Naing Lin hi ahlan ah a inn voi khat bomb in an rak puahpiak cangmi a si. Atulio Hakha ah tlaih a tongmi hna case 6 kong ah tazacuaitu (တရားလို) zong a si. Meithal in kah a tongmi pa a thih le a nun fiang in kan fehter kho rih lo. Meithal kahnak a cannak hmun ah SAC ralhrang pawl a phan i pawngkam kawlhawlnak an tuah cuahmah. The Chin Journal

Thawngpang dang relchap : Mizoram Sangau le kiangkap khua ah Hakha-Thantlang ralzaam 1000 deng an phan cang

Mizoram Sangau le kiangkap khua ah Hakha-Thantlang ralzaam 1000 deng an phan cang. September 22 tiang Mizoram Lawngtlai District ah khua nganbik Sangau le a kiangkap khua hna ah Myanmar ralzaam, a bik in Hakha le Thantlang ralzaam mi 986 an si cang, tiah tuanvo ngeitu pakhat nih The Hakha Times ah a chim.

Ralzaam an phanhnak khua hna cu; Sangau (1, 2, 3. 4 tiin camp an then), Lungtian (1, 2), Lungzarhtum, Thaltlang, South Lungpher, Vombuk, Siachangkawn, Pangkhua, le Bualpui (NG) East hna ah an si.

“September 22 tiang cazin a si. Atu hi an phan cuahmah rih i lampi ah a um lio mi zong an um. Vombuk hoi cu minung 1000 um khawh nakding camp an sa cuahmah lo. Hi chung ah Yangon, Kalay, Tahan tibantuk minung zong an i tel,” tiah Sangau khua in tuanvo ngeitu pakhat nih The Hakha Times ah a chim.

Hi ralzaam 1000 deng chung ah Thantlang an tam bik. Cun, ralzaam chung ah thla 3 lawng a si rih mi bawhte in kum 80 a tling cang mi upa zong an i tel, tiah kan theih. Credit : The Hakha Times

Be First to Comment

Leave a Reply

Your email address will not be published. Required fields are marked *