Hakha Duhlonak a langhter mi cu Palek le Ralkap nih Hriamnaam hmang in mibu an thek (+Hmanthlak Tampi)
Hakha Duhlonak a langhter mi cu Palek le Ralkap nih Hriamnaam hmang in mibu an thek
======================================
Apoi le a poi hringhran ko, kawlram chung ralkap nih Aana an lak mi duh lo nak an langh nak chungah caan saupi duh lo nak an langhter cang ni hin ni tiang ah an hrang chin lengmang ko. Hakha Duhlonak a langhter mi hna cu Palek le Ralkap nih hriamnaam hmang in mibu an thek hna i minung 17 an tlaih hna. Democratic Voice of Chin-DVC
Thawngpang dang relchap >>>>>>>>
Minung 7 Nunnak a Liam: Myanmar Mipi nih Ralkap Nawllaknak Ralchanhnak an Tuah vialte ni ah Tuk a Sumbikmi ni a si
============================================================================
Police nih an kah hna i a tlawmbik minung 7 an thi, minung tamlak te hma an pu. Feb. 1 i Ralkap nih nawl an lak hnu in duhlonak langhternak faak chinchin in an kalpi.
Kum 50 lenglo ralkap uknak tang um hnu ah a tu bantukin in ralkap nih nawl an lak thanmi ruangah mipi a thong a sang nih lam le sul kip ah duhlonak an langhter hna. Western ram zong nih fak ngaiin ralkap pawl cu sual an phawt hna.
“Myanmar hi ral ram a lo ko cang,” tiah Myanmar ah a hmasabik Catholic cardinal a si mi Charles Maung Bo nih Twitter ah a tial. Yangon khua cuul in police nih zingka bakin meithal an puah, stun grenades, tear gas an hman. Mipi an tei ti hna lo ruangah ralkap nih an zuanhnawh hna. Hma a pumi an hawile rual cu mipi nih heh tiah an vung rawt len hna. Mipa pakhat cu a tangah an kah caah sizung a phaak ah a thi. Minu pakhat zong police nih Yangon khuasa duhlonak a langhtertu cawng sayama pawl an kah hna lio a hmuh i lungtur in a thi. Dawei zongah police nih minung 3 thi lakin an kah hna, tamlak an hlemh hna, tiah politican Kyaw Min Htike nih Reuters ah a chim.
Mandalay zongah minung 2 an thi, tiah Myanmar Now media nih a chim. Hi kongah police le ralkap lei phone in comment kan hal hna i, an kan let duh lo, tiah Reuters nih a chim. Lashio le Myeik zongah police nih mipi an tlakhnawh hna, tiah theih a si. “Zeitikhmanh ah Khuk i Bil hlah” Mipi hi daidam tein kan tonghtham ko hna, tiin kan hnung zarh ah khan Junta leader General Min Aung Hlaing nih a chim. A tlawmbik minung 10 an thi cang. Police pakhat a thi ve cang, tiah ralkap lei nih an chim.
Ralkap nih hin lampi a phanmi mipi lawng si lo in, civil service, khuapi zung, biaceihzung, sianginn, sizung le media tiangin a tuk dih hna. Ralkap nih khuapi tampi ah faak taktak in a hriamnaam thatha a hman mi hi thin a phawhtuk, cohlan awk a tha lo mi thil a si, tiah NY based Human Rights Watch ah deputy Asia director Phil Robertson nih a chim “An kan kah ah cun kan i veng ko lai. Ralkap sinah kan khuk kan i bil bal lai lo,” tiin Yangon ah duhlonak a langhtertu Nyan Win Shein nih a chim.
Yangon medical school lenglei ah police nih stun grenades in doctors le sianghngakchia pawl an cheh hna i, a tlawmbik minung 50 hrawng an tlaih hna. Satuarday tiang i police nih mipi an tlaihmi hna hi 470 an phan cang, tiah MRTV nih a chim. Nihin Sunday ah zeizat an tlaih ai thei rih lo. “Tihphang hna seh, ti an kan duh” Tlikter, zamter bu in tihphang hna seh, tiin ralkap nih an kan theihphaih. Cucu kan cohlang kho lo, tiin youth activist Esther Ze Naw nih a chim.
Ralkap nawl lakmi hi a si khawhnak lam hmangin hrawh dingah Myanmar UN envoy nih UN meeting ah a duhnak a langhter caah, kan ram na leirawi, tiin a rian in an phuah. Cu ti an phuah le cangka a tu bantukin police nih hriamnam a hman hi a si. Ka si khawh chungin ka doh ve hna hrimhrim dingin biachahnak ka tuah cang, tiah ambassasor Kyaw Moe Tun nih Reuters nih a chim. Western ram nih phihkharnak an cungah an tuah. Ralkap lei zong nih thimnak tuah than dingin an chim. A ni bel an tu rih lo. November thimnak a phi hi umpat pek hrimhrim a hau, tiah Suu Kyi a party le amah a dirkamhtu pawl nih an chim. Kum 75 a si cang mi Suu Kyi cu kum 15 chung a inn ah an erh hnu ah a tu hi an tlaih i, walkie-talkie radioe 6 nai chiah, tiin taza an cuai. Monday khi zung a chuak rih ding a si. Chelsea Bawi
