Press "Enter" to skip to content

Hakha Harmon Sang Ah Mifir An Hrang Pu Bawi Ting Te Inn An Baoh i Phaisa Tam Taktak An Zaampi Manh

Hakha,Harmon sang i a um mi Pu Bawi Ting te inn cu November 11 ah mifir nih an baoh i innchung ah an lut i an phaisa tamngai te an firpiak hna hnu ah an zam tiah kan theih .Inn ngeitu Pu Bawi Ting hi Hakha thingram zung lei ah riantuan mi a si i Thantlang peng ah puai zawh dingin an kal karlak ah tu bantuk in an inn an rak baoh piak hna hi a si .

Pu Bawi Ting te hi Thantlang peng ah puai zawh dingin an kal ah hin an inn rak zohkhenh chung dingin an chungkhat minung pakhat an fial ta i an inn cu tha tein a rak zohkhenh ko ti a si .

Asinain cu an chungkhat an inn a rak zohkhenhtu cu chikhat te rianherh a ngeih ruang ah inn a chuahtaak i cu karlak te ah cun inn cu an rak baoh manh i phaisa ting 8 bak an rak firpiak manh hna . Hakha ah hin naihrawng inn baoh piak i phaisa firpiak a tamngai i kan hnu October thla donghlei zong ah khan Hakha ah Evan.Thang Zel te inn an rak baoh piak ve hna i an phaisa ting 4 bak an rak firpiak ve cang hna .

Tu bantuk in Hakha khua ah mi inn baoh in phaisa fir a hmangmi hna hi sang dangdang ah an cawlcang nain a minung hi i khat hna seh law theihlo a si . Sang dang zong ah mifir nih inn an baoh i thilri an fir timi le phaisa an fir timi theih awk a um lengmang cang . Palik nih hlathlai nak an tuah cuahmah lio a si . Mipi i ralring hna u sih law mifir zong tlai kho hram ko hna seh .

Source : The Chin Journal

Be First to Comment

Leave a Reply

Your email address will not be published. Required fields are marked *