Press "Enter" to skip to content

Hakha Kan Pastor Te Cheukhat le Upa Pawl Nan Thiltuah A Tha Tuk, Upat Awk Nan Tlak Taktak>>>>>

Hakha Community Care Center ah COVID-19 Test Khawh a Si Cang
———
Hakha Township Public Healthcare (HTPH) tawlrelnak in Community Care Center cu BEHS-3 sianginn ah nihin ah an on cang.
Thaizing zaanlei sml. 1:00-4:00 karlak ah COVID-19 zawtnak ngeih le ngeih check awk ah ahopaoh rak fuhpanh khawh a si, tiah thawng an thanh.
Community Care Center onnak cu HBA le HCMF kan pale nih Pathian sin pekchanh thlacamnak in an tuah.
Hakha COVID-19 Response Committee nih Nihin in Rian a Thawk Cang

———-
Hakha khuachung biaknak lei hruaitu hna le mipi i bawm in sermi Hakha Peng COVID-19 Response Committee nih nihin August 2 thawk in rianttuan hram a thawk cang, tiah thawng kan theih.

Rianttuannak zung cu HBA tual ah a ummi Women Development Center ah on a si.
“Hi rian ah volunteer in aa pumpemi sibawite, sayamate le Khrihfabu kip in a bawmtu ca ah HCMF nih ttuanvo a lak lai i herh dangdang tampi a um rihmi cu Khrihfa bu, organization le pumpak in ramchung le ramleng nan ti khawh tawk i tel cio ding in kan in sawm hna,” tiah Hakha Peng COVID-19 Response Committee Secretary Rev. Van Tiam nih theihternak le forhfialnak a tuah.

July thlathih lei ah COVID-19 volunteer mino pawl cawnpaiknak an tuah hnu ah nihin ah Center an on i, rianttuan hram an thawk hi a si.

Hakha ah COVID-19 volunteer ttuan ding in a pum aa pemi hna lak ah sii lei fimthiamnak a cawng liomi siangngakchia 17 zong an i tel i, an zapi ah mino 100 leng an si, tiah Hakha Township Public Healthcare (HTPH) nih thawngpang a rak chuah.

The Chin Journal
August 2, Hakha
————-
[The Chin Journal thawngpang dangdang rel awk ah https://www.chinjournal.com/ ah hin hei lut te]

Be First to Comment

Leave a Reply

Your email address will not be published.