Press "Enter" to skip to content

Hakha Khuachung Lamthluan CCTV Vialte an Thlonghter Dih Hna, Micheu Palik Sakhaan ah an Kalpi Hna

Hakha Khuachung Lamthluan CCTV Vialte an Thlonghter Dih Hna, Micheu Palik Sakhaan ah an Kalpi Hna
———

Nihin ah ralkap le palik nih Hakha khuachung lamthluanpi kam ah a ummi chungkhar hna nih an inn ah an benhmi CCTV pawl cu ralkap le palik nih an thlonghter dih hna, tiah kan theih.

CCTV thlonghpiak a tongmi minung pakhat nih, “Zei ruang ah dah lam lei hoih in CCTV nan bunh a kan ti. Nanmah lei hoih in bunh u an ti i a kan phonghpiak,” tiah The Chin Journal ah a chim.

Cun, micheukhat cu “Palik le ralkap nih kan CCTV an hrawk lo” timi catlap ah min an thutter hna.The Chin Journal nih kan theih tawk ah nihin ah Hakha lamthluanpi kam ah khuami nih an inn ah an benhmi CCTV a tlawm bik 5 an phonghphiak hna.

CCTV bunh ruang ah COTR biakinn pawng ah a ummi Nu Par Hlei Iang le Hakha Market hmai ah a ummi Lian Cin Thuan cu palik sakhaan ah an kalpi hna i, zanlei sml. 5:00 tiang ah an thlah rih hna lo, tiah kan theih.
The Chin Journal
April 1, Hakha


Credit: The Chin Journal

Relchih: Zualko: Chaungkhuah Khua Ralkap le Mipi Kahdohnak ah Pu Ram Hlur a Nunnak a Liam

Chaungkhuah Khua Ralkap le Mipi Kahdohnak ah Pu Ram Hlur a Nunnak a Liam
——

Nihin ah Gangaw-Kalay lamthluan ah a ummi Laimi tampi khuasaknak Chawngkhuah khuate thlaanmual pawng ah ralkap le mipi an i kap i kum 68 a simi Pu Ram Hlur (Ni Meng pa) a nunnak a liam, tiah a chungkhar sin in thawng kan theih.

Chawngkhuah cu Hakhalay khua he aa pehmi a si i, hi khua hnih hi Laimi tam u khua an sak an si. Nihin kahdohnak ah Pu Ram Hlur le a dang minung pakhat U Aung San Oo (kum 45) an unnak a liam. Cun, Chaungkhuah i an i bochan ngaimi Lai mino tlangval pakhat zong ralkap nih an tlaih.

Nihin kahdohnak ah ralkap lei in hliam a pumi le a thimi an um nain zeizah dah an thih/hliam an pu timi fiang in theih a si lo.
Ralkap pawl cu Chaungkhuah i sianginn ah hmunhma an khuar, tiah minung pakhat nih The Chin Journal ah a chim.

The Chin Journal
April 1, Yangon

Credit: The Chin Journal

Be First to Comment

Leave a Reply

Your email address will not be published. Required fields are marked *