Hakha Mino 5 cu “Chin Paralttha” tiah Upatnak Hmanthlak an Tarpiak Hna

Hakha Mino 5 cu “Chin Paralttha” tiah Upatnak Hmanthlak an Tarpiak Hna
————
Hakha ah Ralkap nih tlaih ding in an hmanthlak an tarmi hna Lai mino 5 cu “Chinmi Paralttha Hna” tiah tu zan ah Hakha mipi nih upatnak hmanthlak an tarpiak hna. Min Cung Sang, The Chin Journal.

thawngpang dang relchap >>>>>>

KNU Special Commandos pawl nih CDM Palik zammi le Ralzam Mithar- 250 hrawnghrang cu raltuk training an Area chungah an pek cuah mah hna

🆕 March 14,2021 ah khan Yangon, Hliangtaya township ah Sandahpiah mi le Palik-Ralkap kar lakah buainak a chuak tha’n i, mi-50 hnak tam cu an kah hna ian thi pinah Mi-87an hliam ti’ah RFA nih a chim i, Zaanlei 1:50Pm hrawnghrang ah khan Cycle he Mi-40 hrawngnih Hliangtaya le Shwe Phyne township i China Company asi mi Thilthitnak Sehzung Waicou Global Fashion, Myay Auza, NgweKyae-2 le Shwe Naga Cement Seh- zung pinah Insein Taluk Company zong mei in an khangh piak hna.

Cuca’ah, Hliangtaya le Shwe Phyne Township cu SAC Ralkap Cozah nih Zaan 8 Pm ah khan Martial Laws(အရေးပေါ်စစ်အုပ်ချုပ်ရေး)an phuang i Yangon Army Commander Maj-General Nyut Win Shwe kut tangah an chiah cawlh. Cu cu a um zia cu, 2008 Phunghrampi tangah a um ti lo i, Nawl a buarmi cu Kah/thah khawh cawlh le Army Special Court nih Thihnak(သေဒဏ်), Kum khua thongtlaknak(တသက်တကျွန်း) le Kum-3 in Kum-20 tiang thongthlak khawhnak nawl pek cia asi. Hi Martial Laws hi Aana an ting hnu’in a vawikhat a phuang nak asi.

March 10,2021 in tuchunni tiang KNU PhanAnn ramri i Division Command-1 chungah Myanmar Ralkap he biatak te’in an i kap i, 14/2 ah khan KNU nih Kawl Ralkap Commandant tiamin Ral kap-47 an thah hna i KNU lei mi-7 an thi ve ti’ah KNU lei nih thawng an thanh. Cuca’ah Ralkap nih Pha-Aan ramri Shyalwin(သံလွင်မြစ်) ah Navy Raltuknak Lawngpi-4 cu Nizaan ah khan an chiah cang. Cubantukin thiam thiamin KaChin ramah KIA he Pha-Kant ramtangah biatak te’in an i kah i, Kawl Ralkap-38 an thi i, KIA lei zong zeimawzat an thi ve ti’ah BBC nih a chim. Cu pinah Shan State chaklei Muse-Ngamhkhan ah TNLA le RCSS-SSA le Kawl Ralkap an i kap fawn.

KNU Special Commandos pawl nih CDM Palik zammi le Ralzam Mithar- 250 hrawnghrang cu raltuk training an Area chungah an pek cuah mah hna i, Thailand ramri leiin Ramdang lei’in hriamnam tam lak an hmuh cang ti’ah theih asi.
Cuca’ah Myanmar Ralkap zongnih Navy le Air- Forces pinah Div- Command dang-2 cu Karen Ramri lei’ah an kuat tha’n cang. Diplomatic lei Channel in thawngpang theih ningah cun, hmai zarh March19,2021 ah Ralkap nih an rak Order ciami MIG-29 tiamin Russia Air force Fighters le Ralthuam/Miakpi Bombfoot-260 tam tak tak a rak phan lai ti’ah theih asi. MIG-29 le fighters pawl hi India ram New Delhi Deradun Airport le Mumbai Airbase ah Oil- filling an nei pah lai. Cun, 13/2 ah khan US Ralkap Vanlawng C-130 cu Yangon, Mingladon Airport ah a rak tum i, US Citizens le Embassy mi pawl US ah a tlunpi tha’n hna. 21/2 ah Russia Vanlawng E-190 zong Yangon ah a rak tum lai i, Russia Citizens le Embassy mi pawl an phor dih ve hna lai ti’ah Diplomats Channel in theih asi.

Chin State zongah SAC Ralkap le Kawl Palik pawl cu Nikhat hnu Nikhat an sual chin leng mang cang i, CDM tuahmi Zaato Inn riantuan mi pawl cu an quarter in an thol dih hna pinah duhlohnak tuahmi Mino hruaitu 5 Salai. Ngun San Aung, Dr.Biak Cung, Salai. Van Tin Lian, Sa lai.Elishama,Meithah bawite Salai.Ni Ceu pinah Falam Mino-3 cu Act-505(a) hmangin thlaih dingin Order an chuah hna. March 10,2021 ah khan Western Division Commander Maj- Gen. Thin Let Oo nih Second Commander cu Chin State lei’ah CNF Camp Hqr ah kal dingin a thlah hna.CNF hruaitu Dr.Suikhar le I/c,Liaison Office Pu.Ral Hnin he an i tong hnu ah Thantlang Um Ralkap- 23 cu Tlanglo khua in CNF Hqr-Camp ah Ralbawi 4 an lut ter hna i, CDM Palik a tlimi pawl an kawl hna. Hi hi Kawl Ralkap nih Chin Mipi kan mith -mai pelte hmanh zoh lo’in, an kan nehsawh ning le zuamtiah ning fiang te’in a lang.

Atu bantuk caan hi CHINMI kan lung rualnak kan langhter ding CAAN asi.. CNF, CNA hi Pum khat a LU le a TAKSA hmunkhat an si. Kan Chin mi kan dih lakin, an chia maw, an tha maw, kan dihlak in kan tanh i kan dirhkamh ding caan an si.Ni-8/2/21 i India( Mizoram) Cozah nih CDM a tlimi Myanmar Palik-8 lakah 4 hna cu Tio ramri tiang Mizoram Police nih an thlah hna i, an tlau beh ti asi.

An um nak a ho nih an thei ti hna loh. Him dam te’in an um ti’ah thawngpang tha kan theih.14/2/21 Zaan 5:30 hrawng tiang Farkawn, Mizo ram ah Chin Ralzam 120-140 karlak an phan cang ti le, Zarhteni 13/2 ah khan Farkawn khua Helipad ah India Ralkap Assam Rifles pawl Company-2 Helicopter in an van i chek/phan thluahmah ti’ ah thawng fianffai te’ in kan theih.Cuca’ah,CNA maw, Chin Ralzam mi pawl zong ralring te’in thut-to i zuam cio hna uh. Kawl Ral kap le India Ralkap zong hi a thli -thup te’in an i chonh cia kho mi asi. ( Za rih seh. ) crd:MC Biklian