Press "Enter" to skip to content

.’Hakha Mizapi Nan Ralchia Tuk Ati Mi Hna Nih Rak Hngal Uh, Nan Duh Poah In Au Khuag Sawh Hlah Uh

Hakha mizapi nan ralchia tuk ti ma si cu

– Atu Myanmar ram nih kan doh mi ral hi thla hnih thum men lawng a si lai lo. Caan saupi kan laak rih lai. Caan saupi kan kal rih lai ti hi philh lo ah a tha.

– Caan saupi a kal ding kan si ca ah, minung thazaang a zor nakhnga lo, thisen a luan nakhnga lo “Dawtnak in” kan doh i kan ngiar a hau.

– Nihin March 10 Hakha i “Ralkap nih an velh hnu ah an tlaihmi pa” kong ah ram chung/leeng mizapi nih Hakha lamzawhnak tawlreltu pawl sual phawt, ralchiat puh dih a si.

– Ralchiat a si lo: An tlaih lio mizapi nih hmuh a si ko. Asinain, zeiti zuanhnawh awk a tha lomi dirhmun ah a si. Vun zuanhnawh usih law zeihmanh thatnak lei in thil pipa a chuak lai lo. Mizapi tu kha timhcia a si mi an meithal an hriamnam an kan thlah hnawh lai i thisen a luang hrim ko lai.

– Kan va zuanhnawh zong ahkhan kan chanh kho ding dirhmun khi a si lo. Atu kan nih Hakha hi peng dang hmun dang nakin cun kan van a tha. Lampi cung ah chuak in a ni 32nak tiang duh lonak kan langhter khawh. A dang tu ahcun lampi cung ah an chuak kho ti lo.

– Ralchiat a si bak lo, a herh kan ti caan ahcun thih ngamh in a cawlcang ding lawngte kan si. Thlouh khawh lo ding in a thi a lin ve mi kan si dih.

– Thil hi kaphnih peng in zoh a hau. Fahnak i pek duh ding a si lo. Thisen luanter duh ding a si lo.

Dawtnak in a dongh tiang kan doh lai. Kan tei hrimhrim fawn lai. Mino thachia hlah usih.

Hakha nih aa tinhmi cu buai le bai, thisen luanh a si lo. Dawtnak in doh kha a si timi kan lung ah chia peng hram hna usih.

Crd: Salai Ngun Hlawnceu

Be First to Comment

Leave a Reply

Your email address will not be published. Required fields are marked *