Tu thla ni 13 (kan hnu ninga ni) Hakha IBC Biakinn i Pastor pawl cawnpiaknak tuahnak ah Hakha Khrihfabu lei luban tlai bikbik ti khawh a simi Pastor te pahnih nih kannih cu Third Party kan si. Tulio ram buainak ahhin holei ttang hmanh kan si lo an ti daih.
Cucaah kei ka dirhmun cun kha bantuk Pastor te he biaruah ding ka ngei ti lo. CDF Hakha dirhmun zongin fak piin kan ruah cuahmah ve lio. Tu lio cu thil dik le dik lo karlak i dohnak a si caah kan lei a tang lomi paoh cu kan ral an si. A karlak ah dircaan a si lo.
(Rungtlang zong hei kai pah. CNF Headquater zong hei tlawn pah. Kaphnih tluanh lungput le dirhmun. Ramvai bia cun a sul bawh kan ti.) Ka ning maw zak deuh ka lung dik fak deuh. Kan pa le Kachin Baptist Convention nih zeitluk in dah KIO/A a dirkamh timi zong khi kan hlat piak pah ulaw kan ilawm ko hnga. Credit; Salai Awng
Thawngdang Relchap>>>>><<<<<<<< WA RAM: Wa hi SHAN ram chung ah a ummi a si. 2008 phunghram ning in Self-administered Division pek an si. (State dirhmun nakin a niam deuh) Chairman nih hruai a si. Cheukhat nih WA hi confederate dirhmun in an chim tawn. An si lo.(Confederate he an tahchunhnak hi nawlngeihnak ruangah a si rua…)
WA hi 1947 lio Frontier Area Committee of Enquiry an tuah lio ah ramkhel kong a mukmak kan hngal lo ee an rak ti. An dirhmun a rak niam tuk. British nih Myanmar a rak pen lio ah Head-hunter an si rih ee an ti hna. Ram kiken khuasa an si ca British zong nih a rak fukpanh lem hna lo.
Burma Communist party pawl kha Shan ram nichuah lei ah hmun an rak khuar. WA pawl zong an ralkap ah an lak len hna. Mah lio ah WA pawl cu lothlo an si ca khuasak tintuknak an harsa ngaingai rih. Cu caah Communist ralkap ah an rak luh lennak a si. A hnu ah Communist chungah eihmuahnak a san tuk ca an dirhmun a t’ha ti lo. WA nih nawlngeihnak an rak chuh beh hna.
Mah hnu cun WA dirhmun cu chikhat lo ah aa thleng dih thai. State dirhmun an si na loin nawlngeihnak an ngeihmi ah an hna a rak ngam khawh ko. WA ram ah KAWL ralkap hmun an khuar ngam lo. Tutan ah WA nih STATE dirhmun an hal lai maw hngalh a si lo. SHAN state in chuah lawlaw i WA State in dirh an duh zumh a um pah. Credit; Salai Thawngpi
Be First to Comment