Press "Enter" to skip to content

Hakha Peng Pyine Hluttaw No. 1 Caah CNLD in Salai Van Chan Ceu thim hna usih

Pyine Hluttaw No. 1 (Hakha) Caah CNLD in Salai Van Chan Ceu Thim Hna Usih
==========================
Hakha Peng Pyine Hluttaw No. 1 in MP aa cuhmi lak ah Salai Van Chan Ceu thim hna usih. Col. Solomon nih “Salai Van Chan Ceu le Salai Ceu Bik Thawng cu an no lio te in ramkhel an duh i Chin miphun kong ah CNF sin ah ramkhel kong a kan ruah tu le a kan telpi tu an si. Federal le Democracy kong cawnpiaknak a rak kai hmasa tu an si. Salai Van Chan Ceu hi a hnu ah CNF le Cozah nih remdaihnak kan thokka hrim in kan herh le a thazaang in a tuah khawh mi vialte mino aiawh in le CTPC in a kan telpi tu a si.

Miphun caah a nolio te in pum aa pe mi le a dir ngam tu a si. Hi bantuk minung le midang mit hmai zoh lo in miphun caah a dir ngam mi hi Chin miphun nih kan herh hna. Salai Van Chan Ceu hi aho paoh nih thim hna u, amah pumpaknak in miphun caah raltha in a dir ngam tu ding a si’ tiah a chim.

Hlawhtling thlacamnak tawlrel tu upa le tuanvo ngeitu JP Bial Tin Sang zong nih, “Salai Van Chan Ceu hi ttih ngeilo pa ral ttha bak a si. (A Vuanci hna hmanh nih an chonh ngam lomi bochouh Hung Ngai zong kha Vailam tung phur lo ding ah ral ttha tak in dir onh in a chawn i bia a let ngammi a si). Atu Halkha Khuathar Hlawhtling Thlacamnaak Tlaang Vailam tung phurlo ding ca ah Salai Van Tin Lian he Halkha mino tampi an sawm hna i Halkha mizapi nih duh lonaak langh ter ding in a thli te in meeting an rak tuahpi hna ruang ah Vailam tung a hmunh lawng si lo in a pawngkam Ekah 40 tiangpi Khrifa nih kan conaak a si” tiah a chim.

Miphun hawi hna, miphun ramkhel cu Miphun caah raltha in a dirngam tu kan herh hna. Pu Kio Mang, Pu Hrang Nawl le Pu Lal Luai bantuk in miphun dang uknak a doh ngam tu, miphun ah raltha in a dir ngam tu kan herh hna. Salai Van Chan Ceu hi thimfung pe cio hna usih. See less

Be First to Comment

Leave a Reply

Your email address will not be published. Required fields are marked *