Press "Enter" to skip to content

Hakha Rose Beauty Saloon Tamhnak Dawr A Ngeitu Rebecca Sung Ki Thil Tuah Hi A Tha Hringhran

Rebecca Sung Ki nih a chuah ni lawmhnak ah an khua(Dauchim khua) chungkhar kip sin ah laksawng a pek
=========================
Rose Beauty Saloon tamhnak dawr a ngeitu Rebecca Sung Ki nih a chuah ni lawmhnak ah a khua (Dauchim khua) ah chungkhar kip sin ah bawmhnak laksawng November thla 22 ah a pek hna tiah kan theih.

“Atu bantuk laksawng ka pek mi hna cu, ka chuah ni lawmhnak ah ka pek mi hna a si. Laimi thenkhat cu Pathian nih chuah ni dam tein a kan phanhter caan le hlawhtlingnak a kan pek caan ah kanmah chungkhkar le hawikom tibantuk deuh in kan lawmh tawn. Hihi a tha tuk ko nain, kan I lawmhnak hi midang ca ah kan hmang tuk hna lo.

Cucaah hlawhtlinnak le lawmhnak chuahcam kan hmuh caan ah kanmah lawng I nuam loin midang bawmhnak le laksawng va pek va bawmh tbk khi ka duh I ka uar phun zong a si ca ah ka sikhawh tawk tein kan khua ah laksawng chungkhar kip ah chiti le Cite tbk kan va pek hna hi a si,” tiah Rebecca Sung Ki nih The Hakha Times ah a chim.

Rebecca Sung Ki cu Hakha ah Rose Beauty Saloon Tamhnak dawr a tuahtu a si. Atu bantuk laksawng a pek mi hna cu Chungkhar pakhat ah Chiti le Cite cun, kum upa deuh ca ah laksawng dang tete a pek chih hna tiah kan theih.

Crd: The Hakha Time Daily Newspaper.

Be First to Comment

Leave a Reply

Your email address will not be published. Required fields are marked *