Press "Enter" to skip to content

Hakha Sii inn riantuantu Saya/mah pawl Nih An tuanvo cio tlam an tlinh bak.ka lung an ka tongh ngaingai.

Hakha Sii inn riantuantu Saya/mah pawl ka hmuh ning
+++++++++++++++++++++
Hakha Sii inn pi ah hin kum ngatluk hrawng a thlafatin ti awk in kan um i cu kum nga chungah riantuantu sining nih ka lung an ka tongh ngaingai.

1. Fimthiamnak ah cun siibawi le sii lei riantuanmi cu uah awktlak fimnak ngeimi an si. Na in an i uah lo ning le an that ning ka hmuh ah hin an nun in anmah bantuk uah lo ding an ka cawnpiak. Ka lawm 👏👏👏

2. An tuanvo cio tlam an tlinh bak. An mah bantuk in Pathian rian ka tuannak ah tlam hei tlinh ve ninglaw kan Khrihfabu an i lawm tuk lai tiah khua an ka ruah ter tawn.💛💛💛
3. Zeitluk saantlai lo ka si hi an sin in ka sining ka hmu. Hramhram in ralkap nih uknak an lak caah duh lonak raltha tein a langh tertu hmasabik an si. Mifim lawngte hrimhrim. An ral a tha i thik dik an tanh mi ah dirhmun an ngei. Ka upat tuk hna 🙏🙏🙏

4. Mipi zawnruah in Makhala Siikhan ah a lak tein le thanuam tein mizaw an kan zoh. A tu hi HCVG hruainak in HBC hmunchungah siikhan an kan tuahpiak. Thur vialte an mah tein an i thenh. Zing tein an ra. Mi zaw nih a zual in kan zual rih hna. Thil an thairpah, inn an thianh pah, mizaw an zoh pah. An hmurka a tlum.
Zei hmanh hmuh ding an i ruahchan mi a um lo. A um lo zong an hngalh ko.

An fimnak, an caan, dawtnak an sian lomi a um lo. Khi ka ah khin an rat lo zongah honih sik um ti hnga lo mi. Kawl lei in a tlungmi sayamah cheukhat zong um sawhsawh loin mizaw zoh ah pum a pemi tete ka hnuh hna.
An nih sin ah cun kei hi Pathian riantuanmi tiah ka ti ngam hnga maw ti ka ruat. Kan upat hna. Mi dang caah thanuam tein riantuan ve ding ka tha an ka thawh ter 💪💪💪

5. Cun tutan kan thiltawnmi ruangah mino tampi thinlungput ka hmuh. Mi dang cu mi dang caah san tlaih ding an rak i zuam. Mino an lo lo tiah khuaruah har in a ka tuahtu mino an tam tuk cang.
Zeitluk santlai lo ka si ka hun i hmu….

Chim thiam lo in an i smart, an thinlung a tha. Ralhrang ruangah Kawl leiah a kal cangmi kan siibawi te le HCVG, a tu a pumpe mi hna caah san ka tlaihmi cu thla tawi ka campiak hna. “Bawipa thluachuah pe ko hna” ti hi a si.
Upat nak he….

Crd:Pastor Cung Lian Thawng Sang

Be First to Comment

Leave a Reply

Your email address will not be published. Required fields are marked *