Press "Enter" to skip to content

Henry Van Thio:Caah thawngpang thatuk a chuak cang hi.

Kawl ca in thawngzamhnak le chimnak a si mi Democratic Vision timi nih kum 2021 in kum 2025 karlak Myanmar ramkomh Vice President hmun ahcun Henry Van Thio aa tlakbik, Aung San Suu Kyi zong nih a mah hi a pek tthan ko lai tiah an zumhnak an langhter ve cang.

Democratic Vision nih 2021-2025 Cozah thar ah President ah an zumh mi minung 5 le Vice President an zumh mi 3 chung ah Pu Henry Van Thio le Dr. Sasa an telh hna.

Cheukhat upadi thiammi nih cun, “Dr. Sasa cu aa tel khawhnak lam a um lo,” an ti nain Democracy Vision tu nih cun, “Vice President ding ahcun Daw Aung San Suu Kyi nih Pu Henry Van Thio hi a papek lai, cun amah hi aa tlak bik fawn. Asinain aa dinh sual tu ahcun amah Pu Henry Van Thio miphun hawi a si mi kha papek a si lai i Dr. Sasa a si kho,” tiah an langhter.

Democracy Vision nih a langhter ning ah 2021 in 2025 kum tiang Cozah thar ah President aa tlak bik tiah an langhter mi hna cu; U Win Myint (Atulio President), U Phyo Min Thein (Atulio Yangon Ramthen Chief Minister), Dr. Myo Aung, Daw Susu Lwin (President hlun U Htin Kyaw nupi) le Dr. Thant Myint Oo (UN Secretary General hlun U Thant tuupa) hna an si i Vice President ding ah Pu Henry Van Thio, Kayah Ramkulh Chief Minister hlun U L Phaung Sho le Dr. Sasa hna hi zumh bik mi an si, tiah an langhter. (Ref: DV)

Be First to Comment

Leave a Reply

Your email address will not be published. Required fields are marked *