Saiha Mi 3 Thihnak Ah CDF Mindat Cathanh: Hi thilcang kong ah CDF Mindat he pehtlai phun in bia a leng ngai caah kan ngaih a chia
Minung Pathum Thahnak Kong Ah CDF Mindat Cathanh, 2021 february 1 ah ralhraang nih nawlngeihnak an laktimh thawk in, rammi tlaihkhih le thahnawnnak an tuah inn lo mei in an khangh caah East Lairam in Mizoram ah ai dormi hna Mizoram cozah NGO hna le nih nan rak kan zohkhenh piakmi cungah CDF Mindat nih lunglawmhnak bia kan chim.
2023 March 22 ah Mararam le East Lairam ramri minung pathum thahnawnnak kong kan theih i CDF Mindat nih cun fak pi’n kan dohkalh, kaltakmi chungkhar nan ngaihchiatnak kan in hrawmpi hna.
Hi thilcang kong ah CDF Mindat he pehtlai phun in bia a leng ngai caah kan ngaih a chia, hlathlainak kan tuah tikah , Magway ramthen, Pakoku pengkomh, Myaing peng ralzaam caah herhhai zalhnak ding chawva he aa pehtlaimi a si caah kan lung a nuam lo.
Myaing peng hi a sifak ngaimi hmunram pakhat a si ve. Ralzaam herhhai zalhnak caah tangka cu Mizoram mi pakhat sinah an pek i, Magway ramthen, Pakoku pengkomh, Myaing he pehtlai in tuanvo ngeitu Ko Jet le Mindat peng in Salai Aung Ling nih zumhngamnak in tangka an pekmi an hal thannak ah tu bantukin thahnawnnak a chuah hi CDF Mindat cu kan lung a tha hrimhrim lo.
Cun Salai Aung Ling hi CDF Mindat chungtel a si lo, Mizoram ah Myaing ralzaam caah herhhai zal dingmi bawmchantu a si caah CDF Mindat he pehtlaihnak a ngei lo. Dingthluk a umnakhnga tuanvo ngeitu phu hna he i bawm dingin timhcia kan si tiah CDF Minadat nih cathanh an chuah. CDF Mindat
Shwebo Peng Bomb Puahnak Ah Tualchung Mi Pahnih Nunnak Liam, 18 Hliamhma An Pu, Sagaing ramṭhen, Shwebo peng Mu hlei ah nizan March ni 28 zing suimilam 9:00AM hrawng ah bomb lung 2 a puah ruang ah ngakchia pakhat le upa pakhat an nunnak a liam pin ah minung 18 hliamhma an pu, tiah theih a si.
Bomb a puah ruang ah kum 4 tluk ngakchia pakhat le kum 60 tluk pa pakhat an nunnak a liam i, hliamhma pumi 18 cu Shwebo sii-inn ah an kalpi hna. A hliamhma a fak tukmi hna cu Mandalay sii-inn ah an kuat hna, tiah theih a si.
Bomb a hmanhtu hi mizei phu dah an si i khoika lei ah dah an hmanh ti cu kan fehter kho rih lo, tiah Shwebo peng tualchung mi hna nih an chim.
SAC nih cathanh an chuah ning ah PDF nih an hmanhmi bomb a puah ruang ah kum 4 ngakchia le kum 11 tluk ngakchia 2 telh in pa 11 le nu 8 hliamhma an pu, tiah an langhter.
March ni 25 lio zong ah Shwebo peng Bungbuai khua le Zitaw khua kar ah khualtlawng leilawng pakhat tualchung hriamtlai nih, an hmanhmi bomb nih a puahhnawh sual caah phungki 1 le minung 5 hliamhma an rak pu.
PDF nih tualchung mi hna cu zan suimilam 10:00PM in zinglei suimilam 4:00AM tiang khual nan tlawng lai lo. Khual nan tlawn hmanh ah theihternak nan kan tuah hmasa lai, tiah ralrin an pek hna. The Chin Post
