Hlasak thiam Just__________pil a petu New York i Hillsong Khrihfabu pastor Carl Lentz rian phuah a si. Mah cucu an Khrihfabu wesbite ah an ttialmi NYT nih a ttial chin.
Hillsong hi vawleicung ram 30 ah biakinn a ngei i zarhtin a tlawmbik minung150000 an i pum peng tiah an website ah an ttial. Rian an phuahmi Lent cu New York i an biakinn ah a ttuanmi a si.
Rian an chuahnak a ruang hi ziaza dawh lo a tuahmi an theih caah a si i zumhtlak a si ti lo caah a si, tiah an chim. Zeisat dah a tuah ti an langhter lo.
Pastor Lentz nih Justin Bieber hi tikholhnak khengpi chung ah tipil a rak pek i an i komh tuk caah 2014 ah khan cikhat te cu Bieber hi Lentz sinah a rak um ti a si. [Bieber hi Basket benghthiam Tyson Chandler zong nih tipil a rak pek bal.]
Hillsong nih an phuahmi Pastor cu hlan i a rak ttuanmi cung ah an thangthat i a nupi Laura zong mi thinlung ttha taktak a si an ti.
“Pathian nih pastor Lentz hi phung dang in le hmun dang ah a hmannak a um te ko lai. A rak ttuanmi a rian hi thurhnomh piak kan duh lo,” tiah an chim. Hillsong cu atu Laimi Khirhfabu kip i mino nih an uar tuk ciomi an si, i Hillsong hla pawl zong sak cio a si.Teirial catial tu ka lak mi asi an mah nawl lo in a biapi mi asi caah teirial catial tu page hi like zong tampi in kan pek piak uh tizong in kan i nawl hna.
Be First to Comment