Press "Enter" to skip to content

Hlasak Thiam Zung Iang Hlathar A Chuak Cang Hih Thiam Kho Tuk (+Video)

Lai Zunhla sakthiam “Zung Iang” nih aa chuahthar mi “Ka Caah Ninu A Tlau” timi cu mipi ngeihkhawh ding in release (tlangzarh) a si cang . Zung Iang hi lainu hlasakthiam kan i ngeihmi pakhat a si i pasal a ngeih hnu ah can saupi chung hlasa lo in a van i din i hlathar a van i chuahthan hi cu a tu hi a si ko .

A mah a konglam a theitu tampi kan um lai nain a theilo zong um khawh a si ve caah a konglam tlawmpal in van tenh chih kan duh . Zung Iang hi pasal a ngei fa zong a ngeih hnu ah a pasal he an i then i a tudirhmun ah cun nungak in a van i zirh than mi kan lai hlasakthiam a si .Zei ruang ah dah a konglam kan van telh chih tiah cun mi tampi nih nungak maw a si nutungtimi biahal nak tete zong comment ah kan hmuh pah lengmang caah a si.

Miphun dang kawl singer tampi zong pasal an ngeih i an i then hnu ah an mah le an talent ta kha an char tan i an dirpi than . Mipi nih thazang an pek thiamthiam hna i a hlawh a tlingmi celebrity ah an i chuah than kho ko . Kan Chinmi hlasakthiam pakhat a si vemi ‘Zung Iang” zong hi a tu dirhmun ah cun nungak a si ve cang i a mah la thiam mi hlasak lei ah biatak tein kal aa tim ti kan theih tik ah mipi zong nih thazang pe hna u sih law dirpi hna u sih .

Tutan i a hlathar hi Hlabia a tuahtu ah “Bawi Lian Hup ” a si i hla aw cu “Pu Herh Lian” a si.Music Band : Tent band an si i , Studio : Fish , Mixing :Piang Pi le MV :Brendan Van an si hna .A tanglei ah a hla ngeih duhmi caah kan rak chiah chih i a mah Zung Iang page zong ah ngeih khawh a si i Share le like&Comment in bawm cio hna u sih .

Be First to Comment

Leave a Reply

Your email address will not be published. Required fields are marked *