Press "Enter" to skip to content

Hmattai Khua Cu Ralhrang Nih Vanlawng In An Kah

Sagaing, Katha peng,Hmattai khua cu ralhrang nih vanlawng in nihin January 18, chunhnu suimilam 2:28 ah an kah i Lawba tayaphu(လောဘသရဖို) tlang ah a um mi pagoda an khen. Kum 8 ngakchia pakhat telhin khuami 5 hliamhma an pu tiah thei a si.

Ralhrang nih vanlawng in bomb pahnih an thlak, raldonak meithal ngan zong in an kah i Pagoda pakhat an khen. Cu pagoda pawng ah a um mi U Na Taung(kum 40) le Maung Kyaw Wai Moe(Kum 8) telhin khuami 5 hliamhma an pu, tiah Katha Revolution ah an ṭial.

January 12 zong ah khan Katha peng, Moetargyi khua cu ralhrang nih vanlawng in bomb an rak thlak caah khua mi 5 hliamhma an pu i biaknak he a pehtlai mi inn pathum le mipi inn 6 a kaang i a rawk, tiah theih a si. Photo – KATHA Revolution

THAWNGPANG DANG: Mandalay Kwaesekan(ကျွဲဆည်ကန်) ah a um mi Myawaddi bank i ralhrang security gate cu nihin zanlei ah PDF phukhat nih bomb in an puahhnawh hna i ralkap 2 an thi, tiah ROM le YNO Mandalay PDF nih thawng an thanh. 115 lam Kwaesekan(ကျွဲဆည်ကန်) bank ah umhmun a khuar mi ralhrang security gate cu ROM le YNO Mandalay PDF i bawm in an puahhnawh hna i, ralkap 2 an thi, PDF lei hliamhma pu mi an um lo, tiah theih a si

. Cu bantuk in January 17 chunhnu suimilam 2:00 hrawng ah Mandalay 78 lam nichuah lei ah a um mi Akhun zung zong bomb puahhnawh an si i ralkap pahnih le cycle pawl bomb ci nih a khenh hna. Ralkap pakhat cu a thi i pakhat cu a hliamhma a faak, tiah theih a si.

Ralhrang Chuah Mi Myanmar Beer Ciatpha 133, Dur 2376 Cu KIA Le PDF Nih An Hrawh: Sagaing ram chaklei ah a um mi Inndaw peng Kathar(ကသာ) in Mawlubet(မော်လူးဘက်) lei ah motor in an rak phorh mi Myanmar beer ciatpha 133, dur 2376 hrawng cu KIA le PDF fonh nih an tlaih hna i an hrawh piak hna, tiah Inndaw IR nih thawng a thanh. Atu hnu zong ah ralhrang nih chuah mi thilri pohpoh cu kan hrawh dih lai, tiah an chim i, ralhrang thilri zuarnak nawl zong KIA nih an phih cang tiah theih a si.crd the chin post

Be First to Comment

Leave a Reply

Your email address will not be published.