Press "Enter" to skip to content

Hmun Rung Lian le:Saya Rung Kaw sin ah biahalh nak 10.

Thantla________e Hlutdaw II ah aa cuh ding Rung Kaw hi hringtu a nu nih a auhnak a si (Lautu peng le Aibur khau nih auh nak min), i Pa Rung tiah mindin in (Hakha-Thantlang le Sianginn kaiṭi hawikom) an auhmi Pu Hmun Rung Lian hi Thantlang i Pyine Hluttaw II caah CNLD in aa cuh ve ding a si. Khuahrang hrinthlak Hnaring khua mi a si i Hakha ah khua a sa. A dawngnu Pi Thla Iang (Daw Hla Hla Win) he fanu pahnih le fapa pakhat an ngeih hna.

No.1 BEHS Hakha in Tanghra Sc. in a awng i Yezin Agriculture University ah B.Agr.Sc (Q) le CCU in DBA (Dip), Certificate in Env le Reuse Energy (AIES-Israeli) (Arava Institute of Environmental Study) in a dihmi a si. Boader cachimhtu (Ttl – 1999 Odyssy, 2000 Chokhlei; Hk – 2001- 2008: Sanpiah boarder, Khuahlun Boarder; 2009 – Diamond boarder le St.Thomas boarder) a rak ṭuan. 2010 Election Sy Robin Agent a rak si, i 2010- 2014= GRET-CORAD NGO – Pine Hmu tiang, cun 2014 – 2018 = Caritas HK – Technician & Officer, le 2018 – July 2020 tiang (Project Manager, ADRA-Myanmar; Minister Reng in) a ṭuan. July 17. ah a rian in a chuak i ramkhel rian ah a lut.

𝟭. 𝗭𝗲𝗶𝗿𝘂𝗮𝗻𝗴 𝗮𝗵𝗱𝗮𝗵 𝗦𝘁𝗮𝘁𝗲 𝗛𝗹𝘂𝘁𝗱𝗮𝘄 𝗮𝗵 𝗻𝗮𝗮 𝘇𝘂𝗮𝗺, 𝗶 𝘇𝗲𝗶𝘁𝗶𝗻𝗱𝗮𝗵 𝗺𝗶𝗽𝗶 𝘇𝘂𝗺𝗵𝗻𝗮𝗸 (𝘁𝗿𝘂𝘀𝘁) 𝗻𝗮 𝗰𝗼 𝗸𝗵𝗮𝘄𝗵 𝗹𝗮𝗶?
– Kan Chinram hi a dingfelmi le mipi zawn a ruatmi cozah a si ding hi auhpi ka duh. Chinram ah eihmuarnak le zikhnawh tlauter ding ah auh pi ka duh. Mipi nih bochanmi le zumh ngammi Chin cozah siter ding ah ṭhihruai ka duh. Mi siifak le santlai lo mi, namneh mi hna kong kau le harsatnak kong, Chin cozah le Chin hlutdaw ah aupi ka duh. Mipi harsatnak le aihramnak; mipi duhmi le tlinter duhmi kha hmaisuang in aupi ka duh. Tlinter zong ka duh fawn. Mipi le siifak santlai lo hna leikap ah a ṭang pengmi (Anmah sin ah le anmah lei ah a um zungzal mi) pine PALAI pakhat tal um ve cang usih ti ka duh fawn.

Chinram ṭhanchonak caah chan tampi a nguhmi Strategic Planning ngeih ve ka duh. A hmun zungzal mi pawcawmnak le sipuazi lei cat lo in ṭhancho zungzalnak Planning, Mission le Vision ngei ve cang usih ti ka duh. Fraud le Corruption timi ningcang loin mipi le cozah thil ilak te hna le eimhmuar tlau cikcek seh ti ka duh. Risk Management le Control timi Chin cozah nih zul cang seh ti ka duh fawn. Value of Money timi ningcang le phunglam tein le tlawttlau lo tein mipi ngunsawm cu Chin cozah nih hman hram thawk ve cang seh ti ka duh. Mipi, mi siifak, mi harsa, thlanglamh mi, namneh mi, kan nunphung, kan caholh, kan biaknak, kan ram, kan vawlei, kan zatlang nun, tbk. a hnursuangtu le harnak petu upadi / phungphai / mumal / tlaihtleng vialte hrawh dih in a thar in serchuah ve ka duh. Japan Toyata Motor compony tluk in an ser chuak ṭung i mipi le kan ram caah ei chuak lomi Upadi vialte hrawk in dotlami le mipi caah santlai in a ṭhahnemmi upadi lawnglawng i ngeih ve cang usih ti ka duh.

A bikin NLD cozah nih an thahmi Chin Acts Upadi le Chin Acts Committee nunter ṭhan ka duh. Chin ram ṭhanchonak caah a biapi bikmi Human Resources a simi fimcawnnak ah dotla mi le tharchuahmi cacawn dan le cawnpiak ning si awk ah i tel ve ka duh. Chin cozah nih Nuhrin covo an upat nakhnga le an zulh khawh nakhnga biatak tein aupi ka duh. Child rights le Women rihgts (CEDAW) zong biatak tein i hmaithlak ding ka duh fawn. Mino le Nu hna nih Chin cozah ah hmunhma an ngeih i anmah hna he mipi le ram ṭhancho nak ṭuanṭi ka duh. Cun hmun hma le ṭuannak nawl zong pek an si nak hnga bawmh ka duh hna. A hmun zungzalmi lothlawhnak le dongcat loin sipuazi ṭhanchonak caah mipi le cozah kha bawmh ka duh hna. Malnutrition timi Vitamin baunak in Chin mipi i hlihphuah ka duh. A fim i, aa dawh i, a pumrua ṭha in, vawlei pi hmai le kiankap miphun hna sin ah a ropui i a cungnung mi CHIN Ṭhangthar mino (New Chin Youth Generation) sersiam ka duh. A tampi rih. Hi vial in za rih seh.

Mipi zumh nak co khawh ding ah cun: An harsatnak le an duhmi kha Chin cozah le Chin hlutdaw ah ka chimhpiak zungzal hna lai. Mipi aw-an kha chin cozah ah a caan hman tein ka phakter zungzal lai. A herh ahcun bahu tiang in ka chimrel zungzal hna lai. Mipi nih fialmi rian, pelte hmanh tlolh loin ṭuan kaa zuam lai. Mipi caah kaa manh zungzal. An duh herhmi chimh awk ah keimah thengmang ton a herh lai lo. Caa in siseh, Phone in siseh, lam tonnak siseh, chimh khawh ka si lai. Khua zei kahmun poah ah ton khawh ka si lai. Mipi duhnak le mipi aw-an caah ralṭha ngaiin ka chimhrel lai. A ngah hlan lo ka chimh rel lai. Mipi duhmi le aw-an ka au khuang pinak ah LAMKHAMTU cu ka pah chih ko hna lai. Mipi sin ah/ mipi lei ah um in ka ṭanh zungzal lai. Chimh ngai lo mi mipi cheukhat cu thongthlak le dantatnak tu si loin chimhrin cawnpiaknak tu ah ka ṭhit hruai hna lai. Kan ram, kan vawlei, kan nunphung, kan caholh, kan biaknak, media zalonnak caah baitak tein kaa hmaithlak lai i kaa zuam fawn lai. “Myopiah simanking le Yekuat sipuazi

Be First to Comment

Leave a Reply

Your email address will not be published. Required fields are marked *