Press "Enter" to skip to content

Hmurhuh mask i bunh in,minung (3,4) hna cu Rua fung i put in mask a hup lo in lam a chawk mi poh cu an tuk hna>>>>

Minpya(မင္းျပား)ah Hmurhuh Huh Lo In A Chawk Mi,Theihlomi Bu Nih Fungin An Tuk Hna
==========================

Minpya(မင္းျပား)ah Hmurhuh Huh Lo In A Chawk Mi,Theihlomi Bu Nih Fungin An Tuk Hna Minpya(မင္းျပား)khua ah mask bunh lo in leng chuak mi cu min theih lo mi hna mibu pakhat nih rua fung tuk in ralrin nak an pek hna.

Arakhan ramkulh,Minpya khua chung ah nihin July 29, zinglei ah mask bunh lo in leng chuak a um kal mi hna cu ,mintheih lo mi mibu pakhat nih rua fung in an tuk hna, hmurhuh mask bunh ding in ralrinnak an pek hna tiah khuami hna nih an chim.

“Hmurhuh mask i bunh in,minung (3,4) hna cu Rua fung i put in mask a hup lo in lam a chawk mi poh cu an tuk hna, hi hnu na bunh lo a si ahcun mahnak fakdeuh in kan in tuk hna lai tiah ralrinnak an pek hna” tiah mit in a hmutu pakhat nih a chim.

Nizaan July 28 ni zong ah Covid zulhphung a zul lo mi, Minpya khuachung kunza dawr cheukhat hna cu, ho si ti theih lo mi phukhat nih rua fung in an tuk hna caah an dawr zong an khar colh tiah Minpya khuami hna nih an chim.

Stay at Home caan chung ah, mibu in a um mi hna, phe khah le tangka thap lentecelhnak hmun zong ah hmalaknak an tuah tiah Minpya khua mi cheukhat nih an chim.

Covid third wave ah zawtnak a um ve nak hmun Minpya khua tel in Arakhan hmunhma cu ramkulh council nih fakdeuh in zulhphung tlaih nak a tuah lo na in,ULA nih stay at home ding in zulhphung a chuah i, zulhphung a zul lo mi hna cu fakngai in hmalak nak tuahding in a langhter.

#Laymro Media Group
Crd: The Chin Post

Be First to Comment

Leave a Reply

Your email address will not be published. Required fields are marked *