Press "Enter" to skip to content

Hngakchia nu nih:Hring tu pa ca a kuat mi cu’Mitthli a tla’Ka pa rak tlung mu December kan phan cang tiin.

December thla kan thlen vete’n micu Christmas hnipuan lei dingin sungkim te’n Bazar lamah an thlun aw khelkho hai.Ka rualpi pawl khalin kedam le korte mawi ngaingai an nei fingfing zo.Asinain ka nu cun hnipuan mi leisak lam a rel awn thei hrih lo.

December 25 ni ah cumi korte ka hruk dingih cuvek kedam te thawn ti’n zan ka ihthah zik tinte’n ka ruat ve t’heu.Asinain ka pa ih khual tlawng a ratlung thei hrih si lo ih, a caan ahcun ka thintla heng vukvi t’heu.Ka thinlung sungmuril te cun, ” Papa Ratlung Thlang Aw ” tiah tu le tuu ka ko t’heu.

Kan hmuansak Hmuanthlang teih um daan le an faate thil thar an leisak ih an duat daan pawl cu kan phar ong fate ihsin ka bihthup t’heu.Hlimzetih an umlai ka hmuh tikah ka zohkhop thei lo, cun ka daw kuahko .Ka Pa kha ka kiang naite ah um ve sehla cu nei lo cingte khalin Christmas hni-puan tharte i leisak ve ding sikhawih tiah keimah te a netnet ahcun ka hnem lungawi aw cop.Thil thar lei ka rel tinte’n ka Nu in na pa a tlun tikah i ti fawn si .”Papa ratlung thlang aw Christmas kan thleng zik thlang,ka rualpi pawl hmuah an PA le in kawr mawi le kedam mawite an leisak zo sisi ” tiah mitthli haal kiauhki phah le hnap hnuuk phah cing thawn ka pai’ tlun ding tikcu ka hngak cuahco .

Ka pa na thanghlo reituk,In ngai nawn lo maw si?ka rualpi pawlin in hmuhsuam le in nautat ding na phang lo maw si ? Ratlung thlang aw papa.
By,Vangro

Be First to Comment

Leave a Reply

Your email address will not be published. Required fields are marked *