Press "Enter" to skip to content

Hngakchia:Faktuk in tleihrem a si hoi e’A fak hrinhran tutan kan thawng cu.

Yangon ramtthen Hlaingtharya myone ah tarpa pakhat nih cun a nupi nih padang sin in a rak neihmi a tunu te cu a thlithup in tlaihhrem lengmang ruangah a donghnak ah nau tiang a pawi. Kan ttial lengmang ttheu bang vawlei cung ah hin Kawl pa le Kala pa ko hi an hur khun deuh ko rua.

Thil sining cu a luan ciami kumthum tluk lio in khan tlaihhrem tu tarpa hi Yangon ramtthen Hlaingtharya myone, Sang No.20, Boteza timi lam cungah a nupi le a tu le hna he khua an sa. Mah ti cun hmunkhat te ah khua an hung sa tti hna i a luan ciami June thla ni 10, kum 2020 ah khan a nupi nih padang sin ah a rak neihmi fa nih a neihmi a tunu te (kum 11) cu nau pawi mi a lawh ngai ruangah a pi nih sekhaan ah a va kal pi.

Sibawi te nih an vun chek tik ah nau a pawinak thla 5 fai bak si cang, a tunu te cu thil sining an hal tik ah a luan ciami kum 2019 September thla lio ah khan a puei simi U Tin Myint he an mah pahnih lawng an um lio ah a pu nih cun ka tunu te vun ra ta hmanh tiah a ka auh hnu ah ka biang ah a ka hnamh i ka hni a ka phoih hnu ah a ka sual pi, mi na chimh hna ah cun kan thah lai tiah a ka tlerh.

Thah lai ka ttih ruangah ho hmanh ka chim hna lo i cu hnu cun ni 3-4 dan ah voikhat lengmang in a ka tlaihhrem peng tiah a chim hna. Hngakchia nute nih hin nau ka pawi ti zong aa thei lo nain nikhat hnu nikhat in a paw hung ngan chin lengmang ruangah a donghnak ah a tu bantuk in an theih hi si.

Mah tunu rori nau pawi tiang tlaihhrem tu U Tin Myint cu a nupi bak nih palik zungah report tuah bantuk in palik pawl nih an tlaih hnu ah nu tlaihhremnak case number 376 hmang in a hmuh an phonh hnu ah biaceih zungah an chuah pi lio si.

Be First to Comment

Leave a Reply

Your email address will not be published. Required fields are marked *