Press "Enter" to skip to content

Hramhram In AA Nih Chin Ramkulh Khua Cheukhat Minung Hna Cu Raldoh Cawn Dingin An Kalpi Hna>>>>

AA In Chinmi Hrekkhat Cu An Duh Lo Cingin Raldo Dan Zir Dingah An Hruai
====================================
Chin ramkulh Paletwa peng, Banglasesh ramri , Pichaung uksuh ih um khua 30 pawl cu AA ruangah an buai zetih kan dung thla in AA cun raldo zir dingah khua khat ah mi 3 an rak dil zo. Khua mipi in an el asile nan khua kan lo urkang sak ding ,lole khua suahsan uh tivekin an hro.

Khuami pakhat cun “Kan dungte ah AA pawl kan khua ah an ra thlengih ULA timi ralkap bur din dingin minung an ra hawl. Cutikah kannih in kannih khua cu minung kan mal tuk tiah kan rak el nan, minung nan thawh siang lo asile khua in suak uh, hitawk cu Chinram a silo Rakhine ramsung a si tiah in ti. Cutin, khua sungin mi 2 cu an duh lo cingin an hruai suak,” tiah a ti.

Khua dangin mi pakhat cun “Kannih khua in mi 3 cu kan dungah an hruai zo. Khua pakhat in mi 3 ciar AA ralkap dingah nan thawh tul tiah an duh lo cing khal in hramhram in an hruai. Nan duh lo asile nan khua kan lo urkang sak ding, kan lo siatsuah ding tiah in hro ciamco,” tiah a ti.

Rakhine ralkap AA pawl cu 2019 kum in Chin ramkulh Paletwa peng picuang uksuh ah an rak um thok zo ih Paletwa peng sung hmun tamsawn cu ram lak an tum vivo tiah khua mipi pawl cun CW an simthei a si.

Crd: Vapual Auaw….

Be First to Comment

Leave a Reply

Your email address will not be published.