Hranhring Khuabawi Tlaih Ding in Ralkap nih an Kal Hnawh

Hranhring Khuabawi Tlaih Ding in Ralkap nih an Kal Hnawh
——–
Nihin ah Hakha peng Hranhring khuabawi Pu Hram Kam tlaih ding ralkap nih an vung kal hnawh nain Pu Hram Kam a zaam manh caah an tlai kho lo, tiah khuami sin in kan theih. “CDM kong he pehtlai in nizan cathanh a chuahmi ruang ah tlaih an timhmi a si lai dah. Mah lo cun ralkap an rat nakding aruang a um lo,” tiah khuami nih an chim. Van Van, The Chin Journal

thwngpang dang relchap >>>>>>

Good News : Mipi Nih Ralhrang Hna Motor Cu An Khangh I Ralbawi 2 Le Ralkap 4 An Thi Dih

Shan ramkulh chung i,Phekone Myone Phaing Taung Chae khua pawng ah ralbawi pahnih le ralkap 4 cu thi cia in an ruak an char hna tiin thawngtheih a si. Pajero mawtaw ai cit mi ralkap 4 cu March 15 zingah Phekhung sakhan ah an kal cuahmah i Phiang Taung Chae khua pawng an phak tiang lawng phone in chawnh khawh hna i cu pin cu an chawn kho ti hna loh i an vun kawl tik hna ah cun,an ruak lawngin hmuh an si tiah theih asi.

An hawi le nih an chawnh khoh hna lo caah cun, March 16 zingah ralkap dang cu Phaing Tuang Char khua lei ah cun an va kawl ding cun an kal tikah an hmu kho tthimtthiam hna lo ti si. Khuami minung pa 20 leng an tlaih hna i biatak tein bia an hal len hna nain zeihmanh an chim loh, a cheu nih tlangcung lam lei ah an kal ti hna in an chimh hna nain biafiang ngaingai le rintlak mi bia zei hmanh an thei kho lo.

Cu bantuk cun caan saupi an kawl hna hnu ah, March 19 ah ralkap pa 4 nih an i cit mi mawtaw cu pe 35 a san nak hmun ah a tlak cu an hei hmuh. An mawtaw hi a rak kang dih i anmah ralkap pa 4 ruak cu khur chung ah hmuh an si. Hi ralkap 4 thih nak he pehtlai in khuami minung 4 cu ralkap nih an tlaih hna tiin thawngpang theih a si.

An thih nak le a ho nih dah a thah hna i an mawtaw zong hi a khangh ti zong zeihmanh theih a si loh. Thawngpang thar a um siah cun update ka rak tuah tthan te lai.Hi bantukin ralkap an thih lengmang mi nih hin, Min Aung Hlaing cu nikhat hnu nikhat in, a zawr lengmang cang tih hi a kan hmuh piak mi cu asi. Credit : RFA