Press "Enter" to skip to content

Hriamnam He Mipi Sinah A Fonhmi CDM Ralbawi 3 Telhin CDM A Tuahmi Ralkap Minung 18 Hna Cu Lawmhpinak Caah Phaisa Ting 344 Cu NUG Nih An Pek Cang Hna Hih

Hriamnam He Mipi Sinah A Fonhmi CDM Ralbawi 3 Telhin CDM A Tuahmi Ralkap Minung 18 Hna Cu Lawmhpinak Caah Phaisa Ting 344 Cu NUG Nih An Pek Cang Hna Hih!

NUG nih an hriamnam he CDM a tuahmi SAC Ralkap Bawi 3 telh in Minung 18 hna cu lawmhpinak le cohlannak caah phaisa ting 344 an pek hna nak kong cu phungning tein thawngthanhnak an van tuah tak cang ee.

A tulio te ah hin SAC ralkap in mipi hraimtlai sin a fonhmi SAC ralhrang minung 10000 leng an si cang tiah NUG nih an langhter ning in theih khawh a si.

Relchap>>><<< Sagaing region i Naga miphun hriamtlai phu an zungpi umnak hmun Taga cu Febuary 17, 2019 ah Kawl ralhrang nih an rak chuh hna. Hihi India cozah he puantang (a thli tein) biatiamnak an rak tuahmi ruang i an rak tuahmi a si.

(Kha thil an tuah ruang ah khan Kawl ralhrang nih India cozah sin in zei vialte bomhnak dah an hmuh, timi hi a dang tein caper tial hnawh hau tiang in a tam). Cu hmun cu Kawl ralhrang nih an chuah taak cang, timi thawngpang tuni ah an hun thanhmi ka hmuh i kaa lawm ngaingai. Sihmanhsehlaw lunglomh awk si dawh a si lo.

A let-ta- leng in, atu i Kawl ralhrang nih hi hmun an chuah taak nak a ruang cu “cu hmun hrawng i a ummi India lei hriamtlai phu hna nih hi hmun hi chuah taak law, PDF doh kan in bomh ve lai” tiah biatiamnak an ngeih ruangah a si, ti a si hui ai.

A poi kho taktak si… Tamu/Tonzaang/Tedim peng hrawngah le India lei tupung Metei phu le ZRA ti bantuk nih “hnangam tein umnak hmunhma le kan herhmi phaisa kan pe ulaw, PDF/CDF kan in dohpi hna lai” tiah Kawl ralhrang he biatiamnak an tuah caah kan ral nganpi ah an cang hui cang.

Ni khat hnu nikhat in kan ral a karh; teinak thantaar thlir khawh nak ding ahhin fek chin lengmang in kan taisawm i sawmh i lamsau kal ding in riahcaw tam deuh kan i rawnh a hau ko rih rua lai. Credit; Pastor Hram Bik Lian

Relchap>>><<< Oneness Hrihhram le Modalism: Kum zabu 20 (20thCent.) in vawlei cung Khrihfa kip nih kan buaipi mi cu Oneness zumhnak a si. Tutan kan cabia ah “oneness” biafang kan hmannak ruang a ngei, aruang cu Pentecostal Church paohpaoh hi “oneness” zumhnak a dirpi mi an si dih lo caah a si.

Kan pommi tlaihtleng (doctrines) tampi dannak a um ko bu ah kan buaipi mi “tipil-innak, holhtheihlo, Pathian rianttuannak (Oneness le Trinity) kong ah a si. Hi zumhnak ai thok hi, Holiness Movement Khrihfabu ah evangelist tuanmi Charles Fox Parham cawnpiaknak tang in a thanglian mi William J. Seymour cawlcanghnak in a si (Note: asinain adonghnak ah cun, anmah pahnih:

Charles Fox Parham le William J. Seymour zong buu khat riantuan an si ko nain zumhnak i khah lo ruangah an rak i ral). 1906-1909, US ram California ah thawngtha a rak chim i thanghphawhnak lianpi a rak tlung i cu hnu tlawmpal ah cu cawnpiaknak cu ram 100 lengkai a rak culh colh.

Hi thanghphawhnak in dirh mi Pentecostal Churches tampi lakah pomning le zumhnak tete alhnialnak a chuah i Thum-komh Pathian (Trinity) le Oneness ti’n an i then. Ai thenmi lakah a tam-u nih “Thum-komh Pathian (Trinity) zumhnak an dirpi (Wikipedia tarning). Cucaah kan biahram ah, Pentecostal Khrihfabu paohpaoh nih “Oneness” an i tlaih dih lo ka timi kha a si.

A tlangpi in Oneness zumhnak ai tlaih mi a hlipi pawl cu: United Pentecostal Church International, Apostolic World Christian Federation, Assemblies of the Lord Jesus Christ, Church of the Lord Jesus Christ of the Apostolic Faith, Pentecostal Assemblies of the World, an si hna.

Oneness zumhnak hi Khrihfa kan pale pawl (Early Church Fathers) chan ah biatak thlak in an rak doh mi, “Modalism, monarchianism, Sabellanism” hna he i khahnak tete a ngei mi cawnpiaknak a si. Hi hna nih Pathian sinak (nature) kong ah an rak zumhning hi dannak tlawmte a um ko bu ah dannak tete an um ve.

Modalism le Monarchianism hi 2/3 A.D hrawngah a linsa ngaingai mi an rak si. Culio ah Modalism nih a kalpi mi cu, “Pathian hi Trinity nih zumhning bantuk in thum-komh a si lo, minung pakhat lawng a si. Pa a si ah, Fapa a si ah, Thiang Thlarau a si ah, an dihlak in minung pakhat an si i “a” langhnig tu ai dang.

Biakam Hlun ah Pa in ai lang i Biakam Thar chan ah Fapa in ai lang, cun Jesuh a thawhthan hnu in Thiang Thlarau in ai lang than” an ti. A fawinak in chim ahcun, minung pakhat a si ko nain chan hoih in ai thleng tinak a si. Cu bantuk thiamthiam in Monarchianism nih an chim ve: Jesuh kha a hramthok ah Pathian a si lo, Jordan tiva ah tipil a in bakin Pathian thawnnak a ngei i Pathin a si.

Cucaah Pa, Fa le Thiang Thlarau hna hi pakhat, min dang cio a keng mi a si, tiah an chim. Hi an zumhnak hi thawng ngaiin an aupi ko nain Council of Nicea 325 ah, pialsual cawnpiaknak ti’n hnonpiak an rak si.

A cung kan langhter mi pialsual cawnpiaknak bantuk in 3 AD ah Sabellius ti mi pa nih Trinity dohdal in cawnpiaknak a kalpi ve. Lu lu khat (Three in one-triune God in three persons) cawnpiaknak hi a dik lo, minung pakhat a si ko nain langhnak dangdang in ai lang mi Pathian pakhat a si, tiah Modalism zumhnak bantukin a aupi.

A chimmi cu, “sernak (creation) ah Pa in ai lang, sual tlanhnak (redemption) ah Fa in ai lang i thianhlimnak rian (sanctification) ah Thiang Thlarau in ai lang” a ti ve. Hihi Hippolytus of Rome le Tertullian nih biatakthlak in an doh i AD 220 lio ah pialsual cawnpiaknak in hnonpiak le Khrihfabu chungin dum tiang ai huah. Hi hna nih an rak chuahpi mi cathluan (statements) pawl hmuh khawh lo ding tiangin a lotlau, tiah, Pual Enns nih a chim.

Hi kong he pehtlaiin the got question nih a tialning ah cun, “Atu 21stCent. Oneness Pentecostalism kan timi hna cawnpiaknak hi a hlan lio Modalism cawnpiaknak phun kha a si. Annih Oneness Theology ah cun, “Jesuh hi Pathian i Pa Pathian zong a si, Thiang Thlarau Pathian zong a si, an dihlakin dannak (distinctions) an ngei lo, an i khat dih” a ti.

Sinain Baibal nih a kan cawnpiak mi tu cu, “Pathian pakhat (Deut.6:4) ah minung pathum-Pa Pathian, Fa Pathian le Thian Thlarau Pathian (Mat.28:19). John 14:26; 15:26 ah, Pa Pathian nih bawmtu Thiang Thlarau a rak thlah nakhnga Jesuh bia kan hmuh. Luke 22:42 ah, “Jesuh nih Pa Pathian sinah thla a camnak kan hmuh.

Hiti kan chim tikah Pathian pathum a um tinak a si lo. Oneness nih “Trinity” biafang hi Baibal ah a um tung lo an ti hnga, cucu a si khe ko. Trinity biafang hi AD 160-225 kar ah mi lar ngai a si mi Terlullian nih a rak hmuhchuah i Council of Nicea 325 ah cawnpiaknak dik le hmantlak biafang a si ko, tiah fehter mi a si. Sinain Modalism, Monarchianism bantukin oneness cawnpiaknak cu pialsual ah rak thanh mi cawnpiaknak a si.

Note: History Background chirhchan in kan tial mi a si caah a tling lo ngai, cun Baibal cacang chirchan zong tampi kan lak lo tikah, a fekfuan lo nan ti men hnga. Theological fact in tial caan a um cun kan chapchuan te lai. Nawlnak: Char le lak lo ding. Crd: VazunVazun

Be First to Comment

Leave a Reply

Your email address will not be published.