Press "Enter" to skip to content

I Lawmh Tuk Caan I Mitthli Tlak Cu Ka Theih,Ngeihchiat Tuk Lio Ah “Nih” Ti Mi Ka Thei Bal Lo

I lawmhtuk ah mittli tlaak cu ka theih nain ngeihchiat tuk ah ‘nih’ timi ka thei bal lo. Cheukhat cu kan feeling kan i fiang lo. Post khat ah hei ttah leen. Post dang ah hei nih leen. (Abik in ramthumnak a ummi kan mah rual) We’re either all in or all out. Social media zong hi a herhmi tuah ding kan ngeih lo cun i dinh ding.

#WhatsOnMyMind. Hngakchia hna zawng nih raalkaap hmai ah an au. Water canon in an cheih hna, tear gas an puah hnawh hna – sifak – hawitluk lo ram tthangcho lo cu police khi raal ah an cang i bawmtu zong kan ngei loh, zei protection (pum vennak) hmanh zong kan ngei lo.

Tear gas in an puah hna i, an mit zong khua hmu kho loin a khaa viar le cuap nih celh lo tiangin an khuh thluahmah! An ttap, an ai. Thinphaang thlalau in an tli, an i nawk. Online in vun zoh ve tik ah – Bawmh duh zongah bawmh khawh lo. Bawmh khawh mi le hei ngeih lo. Fimnak ngeih lo ah chawva te tal ti ah le chawva nih hei tlinh lo – cheukhat celngel cu a hei siang lomi an tam ning. “Ka ngei lo hei ti nan weekend ah zuu le saa he”. Mah hlei lo ah mikip khi hei soisel – rianttuan daan chimh zia hei thiamtuk nain $1 te zong sian fawn lo.

Hngakchia, upa ti lo kan pi le kan pu zong nunnak pek tiang lam an vah mi khi kan hmu hna lo maw?? Har lengmang in kum 5 – kum 10 chung inn le lo le lam an ser/sak mi vialte a rawh lai khi kan sian ko maw? Kan zaang an fak taktak hna lo maw. Thazaang pek nak caah $10 cash le 10mins thlacam hi a hartuk ko maw? (Side note* thlacam loin zei tangka hmanh Pathian nih a hman lo cun a nung lo i, pakpalawng asi.) THLACAM a herhtuk, THLACAM kan i harhtuk, chimh kan i nautaa rua. .

Atu lio ah LAIRAM kan dawtnak kan langhter caan te asi. Atu lio te ah na dawt lo cun – dawtnak caan dang a um ti lai lo.LAIRAM na dawt lo cun, LAIMI na si loh. LAIMI ai timi nih LAIRAM a dawt awk asi. Van Hlei Sung

Be First to Comment

Leave a Reply

Your email address will not be published. Required fields are marked *