Press "Enter" to skip to content

India Central Government Nih Nawlchuahmi Cu ka Unau Cung Ka Tuah Kho Bak Lo Tiah A al Ngam Bak.. Uar Umtuk

Mizoram Chief Minister Zoramthanga nih Chin Ralzam Kong ah India Prime Minister Ca a Kuat
———
India cozah nih Myanmar ralzam pawl ramchung ah luhnak nawl pek lo ding in le an ram ah kuat tthan colh ding in timhtuahnak a ngeihmi kong ah Mizoram CM Pu Zoramthanga nih India PM Modi sin ah bawmh halnak ca a ttial.

“Myanmar ram lei in a rak zammi kan nunau Chin miphun pawl kan ram ah lut kho lo ding in le an ram ah khirh tthan ding in Home Affairs Minister nawlpeknak in Assam Rifle le BSF ralkap pawl an cawlcanghmi hi Mizoram nih cohlan awk a ttha lo. Kan unau hna nih atu bantuk in harsatnak an ton caan ah hnu kan chit kho hna lai lo. India rampi zong nih kan innpa harsa in a um caan ah kan mit kan i chinh awk a si lo,” tiah Pu Zoramthanga nih a langhter.

“India cu vawleicung Democray ram ngam bik a si bantuk in le Myanmar cu kanmah he aa naihniam tukmi innpa ram zong a si caah India nih kan lungthin kutka kau deuh piin kan onhpiak hna a herh. Cucaah, Myanmar ramkhel thlihran ruang ah a rak zaammi pawl hi dornak hmunhma le eidin tirawl bawmhnak pek ding in fak piin nawlpat kan duh ko,” tiah Pu Zoramthanga nih India Prime Minister sin ah ca a ttial.

The Chin Journal
March 20, Yangon

Be First to Comment

Leave a Reply

Your email address will not be published. Required fields are marked *