Press "Enter" to skip to content

India Cozah Nih Myanmar Ah Covid-19 Vaccine Kuat Ding Cu Kuat Lo Ding In Nawl A Chuah

India Nih Covid vaccine ramleng kuat ding cu chikkhat a phih chung, Myanmar nih Vaccine ngah ding hi atlai lai i India cozah nih Serum Institute of India i chuahmi Oxford-AstraZeneca ti mi covid vaccine cu ramleng zuarnak cu India cozah nih lawlawse a phih chung tiah theih a si.

Serum Institute of India cu Mah Vaccine si dihlak dose ting 1000 cu ram thangcho cuahmah mi hna caah zuar ding in hnatlaknak sachoh tuah a si cang. Ram lianngan le ram rum hna caah cun Moderna le Pfizer Vaccine pawl cu zuamcawh in heh tiah an cawk len lio ah ram thangcho cuahmah mi hna caah cun Oxford-AstraZeneca vacine cu i ruahchan sawhnak lawng a si rih tiah theih a si.

Ramleng i kuat ding cu chikkhat a phih chung caah private sidawr tibantuk le sidawr kip ah zuarding nawl zong a sianh rih a si lai lo. India cozah nih amah ram mipi ca i zat ding in chunh hmasa dih a zuam caah, ram thang cho mi ramdang caah cun Vaccine Ngah dih hi a tlai deuh lai tiah theih a si.

COVAX Runvennak si tawl rel cuahmah mi phawtzamh nak hi March-April thla chung hmanh ah thok khawh ding zumh a si rih lo. Serum Institute of India nih cun a voikhat nak dose Ting 1000 hi India cozah sinah A Hlei in American dollar 2.74 in Mi pakhat voikhat chunh a zuar lai. (dose = Minung Pakhat voikhat chunh) Si dawr ah cn American dollar 13.68 kawlram phaisa cun 18000 in zuar a si lai. Serum Institute of India lei in COVAX timhlamhnak cu
2021 december thla chung ah Si dose Ting 200 in 300 kar lak pek khawh ding in a zumh.

Serum Institute of India a chim mi chung ah hin mah hi nih hin lungre a theihter cem. Hihi a tlawm ngaingai mi a si. Vawlei cung ram thang cho cuahmah mi hna ram i an mipi herhzat ning in cun chimtlak lo a si. keimah aka hmuh ning ah cun 2021 chung ah hin mipi caah za lak in ngah ding hi ka zumm lo.

Kawlram Rampi dih lak 2021 chung ah vawlei pi nih cohlan mi vaccine pakhat hi mipi dih lak chunh ding timi hi lungwah a si kho lo mi a si.A tam bik an chunh khawh hmanh ah 40% hrawng lawng a si kho. vaccine atha mi hmuh khawh nak ding ah phaisa, cozah lei bia tak tein le a lamkip in biatak te cawlcanghnak chuah cikcek hnu lawng ah khin kan hmuh kho men lai.

2021 Takkyian mibu tonak zong hi tuah hawh lai zumh a um lo. Vaccine tha mi hi tukum chung ah mipi caah za cikcek
ngah ding hi ruahchannak a um lo caah, Mark i hruk le kut thiang te in i tawl le social distancing tuah ding zulh phung tha te zulh khawh cio i zuam rih ko u sih.

Credit..Top10News

Be First to Comment

Leave a Reply

Your email address will not be published. Required fields are marked *