Press "Enter" to skip to content

India Ram Ah Tleirawl Pakhat Chun Lai Bak Ah An Thah I A Lu An Tan Piak Misual An Karh Tuk Lio A Si I Ho Cio Poh Ralrin Dih Hau

Misual pawl hi hremnak pek an silo ah cun an zualhma deuhdeuh ti a si. India ram i Uthangudi,Madurai ah tleirawl pakhat cu khuaceu lio bak ah misual pawl nih an thuat i an thah hnu ah a lu cu hriamnam in an tan piak dih.

St Mary’s Church pawng te i thil cang mi a si i, misual kut a tuar i a nunnak a dih mi hi kum 22 a upa Solaiappan Nagar ah a um mi Muruganantham ti i an kawh mi a si.

Pathianni ah khan Muruganantham hi a hawi pakhat Muniasamy he hmunkhat ah an lengti i, biakinn pawng te i an kal cuahmah lio ah khin car ai cit lio mi misual pawl nih an rak buaihnawh hna i, an pahnih cun an zam.

Muruganantham hi a zam bu cun misual nih cun an dawi chih i an thuat chih len ti a si. An vuak chih hnu an thah hnu ah cun misual pawl nih cun a lu cu an tanpiak i biakinn pawng te ah cun an chiah ta ti a si.

A hawipa Muniasamy hi cu vanthat tuk ah misual kut in a luat i, Government Rajaji Hospital ah a zam. Police team pawl nih inquiry an tuah i an tleih colh hna. DCP (law and order) R Shiva Prasad zong a hmun ah a va kal i, Muruganantham ruak hi Government Rajaji Hospital ah check ding in an phur.

Hi lainawn nak faktuk mi nih hin an khuachung mipi vialte an lung a zawt ter dih hna. Police pawl nih lainawng mi pawl le an lunghrinh mi minung pawl cu an hmuh cang hna i, An sin ah hriamhlei pawl zong an tleih chih hna.

Police pawl nih cun lainawng tu misual pawl cu an buaipi cuahmah lio hna i tuhi, an case hi Keerathurai police station ah register tuah cuahmah lio a si. Crd: Mizo Elite News

Be First to Comment

Leave a Reply

Your email address will not be published. Required fields are marked *