Press "Enter" to skip to content

India Ram Hruaitu Minung 15 Voikhat Suai Ah Caan Rau Lo Te Ah A Suai Kho Tu Nu “World Record” A Siam Tu Hi Zoh Ve Hmanh Na Khuaruahhar Lai

Vawlei cungah pungsuaithiam/ lemziak thiam an tam taktak khi si, cu lak ahcun Mizoram ah siseh Kawlram zongah siseh an tam taktak khi an si. Pathian nih minung a kan ser ning cio van zoh tikah khuaruahhar taktak khi a si ko ti hi mithmuh kuttong bakin a lang mi a si.

Vawlei cung pungsuaithiam/ lemziakthiam lakah India ram, mifim ah telhlo lakah Pungsuaithiam/ lemziak thiam taktak mi World Record ah a telmi, India nu te hi van zoh ve hmanh, voikhat suai ah India ram hruaitu minung 15 lem caan rau lo te ah a suai khawh hi cu khuaruahhar ngaingai pakhat a si ko. Pathian nih minung hi khuaruahhar le special taktak in a kan siam tihi a langhnak pakhat a si.

No description available.

Voikhat suai ah India Ram Hruaitu minung 15 a suai kho tu Nu video zohnak cu a tangbik te ah kan chiahpiak hna mu,, zoh ve hrimhrim khuaruahhar taktak si. Zumh zong a har ngai nain Pathian thil ser le minung a kan ser ning hi a phung dang cio i zeitluk special in dah minung a kan ser timi a langh.

Thawngdang Relcha; Hruaitu Cungnung Timi Cu Biahla Le Policy An Palh Sual Tikah An Rian In An I Din. United Kingdom (UK), Great Britain PM Ms. Liz Truss cu; Bia le Policy aa palh caah, Ni 45 PM a tuan hnu ah a rian in aa din. Queen Elizabeth nih a thih lai te ah PM a pek tak mi asi. Ni 45 chung ah ni 10 SPH nu ruak kong ah a buai.

Ram caah ni 35 lawng rian a tuan manh. Amah aapalh ruangah asi lo. Ngun Khuai tlawm ter deuh ding ah Policy cu Finance Minister ‘KamiKwasi” nih a tuah. Sipuazi, business le marketing a tla dih (Blowout), Inflation rate a tla, $ man a kai, £ a tla, Living Cost a kai tuk, anmah vote tu hna nih an tuar ve, caah Mr. Kwasi cu an phuah.

Labour Party pa kha Vuanci a pek nain, UK Hlutdaw nih an duh ve ti lo. Ms. Liz Truss nih Policy kan remh lai, Ka phuak lai lo a ti nain, Hlutdaw nih sual an phawt, an party conservative tiang nih sual an phawt caah a rian in 20th Oct 2022 ah aa din. Conservative party Lutlai sinak zong in aa din. PM thar an thimh khawh hlan lo tiang PM a tuan lai. Amah chang tu hi George Canning asi. 1827 ah asi. Ni 119 PM a ṭuan.

Kawlram ahcun an palh zong ah anmah luatnak caah upadi an ser caah an luat zungzal. Lainawngpa MAH le Ralhrang phu zong mithah nak license a hmuh mi ko an lawh.

Cucu civil uktu hna sin ah Covid le HIV virus bantukin khua an sa ve. Apoi bik micu NUG cozah le Lutlai hna sin ah aum ve mi hi asi. Biachimh le Policy aa palh mi NUG Vuanci rual cu Pu Yemon (MOD), U Kyaw Zaw (Tamada Zung), Dr. Lian Hmung Sakhong, Dr Sa Sa an si. An kusale rual zong zei hlei lo.

Cucaah EAOs, CDF PDF LDF CNDF tbk kha pumkhat si awk ah, lungrual awk ah an sizung khawh ti hna lo. EAO hi Alliance tu in an um. NUG kuttang PDF LDF nak in kuttang lo an tam deuh. Cucaah Federal Army pi a si khawh ti lo. Mah le cangai khur cio cawh asi. Aphichuah cu nihin tiang Ralhrang Rallokap kan tei khawh hna lo.

NUG Kuttang aum mi lawng meithal le phaisa bawmh asi. Kawl miphun umnak lawng ah Hriam an siam, NUG ralkapbu an dirh. Million 12 $ an hman cang. Kawl miphun Hriamtlai asi mi Bo Nagar le BPLA cu NUG nih an cohlan hna lo. BPLA cu 8 States le Maha Lumioci vuadah cihmih timi Policy pahnih lawng a ngeih mi an si.

Hmunkhat ah an kan pumh khawh lo tu hi NUG Vuanci hna an si. Bia an thlah sawhsawh, Policy an i palh caah asi. UK PM Borris Johnson le Ms. Liz Truss bantukin phuah ah ti le mi kan har tuk lai phang aum. Chaw har ah Daar Al tuanphung asi sual hnga maw? Nain MOD PU Yemon cu nan phuah lo ahcun Ral kan tei lai lo. Aa palh mi a tam tuk cang.

Tuluk he Ti le NGA sinak ah aapalh mi NUG cu D Zinmar Aung (FM), Deputy President Dula Shiwa le PM Mann Win Khin Thant ansi ve. Phuah dih ka ti duh nak cu asi lo. Bia i sum dueh hna seh, Policy an palh mi i remh dih hna seh, kan palh ko tiah Social Media ah mipi kan thanh hna seh.

Social media ahmang khawh mi CHINMI vialte zong nih an palh nak i remh awk le bia an i sum i, Secret le confedential nun an ngeih nak hnga aupi ding asi. Keimah lawng ka rinh hlah uh. NUG le Vuanci hna huat le soisel asilo. Apuitling mi le soisel awk aum lo mi Hruaitu Upa le Dr te ah kan siam hna tu asi deuh.

Khua zeimaw phun le fim phun in kan i lak, tu can lio cu, kan ti, ahcun an kan hruaitu CHIN kan pa le kha lungtak in na dawt hna lo tu asi deuh. Soisel le thangchiat nak si loin, lungthiang tein ruahnak cheuh nak tu asi. CHIN Dr te pahnih nakin a leng ah aum mi CHINMI ting 5 thluak cu a tha deuh lai, a mah deuh lai, mi a fim ter khawh hrim, kan biaka nih Vawleipi uktu hmanh a siam khawh lai ti mi Ideology ka hung chuah pi. Credit: Joseph R. Thang

Relchap: NUG Vuanci Le Kan Dr te Bia Sum Nun Kan Ngeih Lo Caah Mipi Nunnak Tampi A Liam. Dai tein um ko ning kan ti nain CNA CDF cu Jet Fighters in an kan kah ve cang caah ka holh ve. Chin Pasalṭha Col. Solomon Thang Din nih Media ah raltuknak kong thlah hlah uh, nan kan thah asi an kan ti. Mipi nih a bia ngaih cang usih.

Nain mipi lawng kan si lo, Media le Interview ah bia aa sum lomi hi NUG Vuanci hna le CHIN Kan Dr te an si. Secret le Confidential nun kan ngeih lo caah, EAO le Tlangcung mi karlak ah pumkhat si nak le rualrem nak aum khawh ti lo. Bia kan thlah sawhsawh ruang ah Kalay Myo ah tuksapur mipi thahnawnnak a tlung bal cang (CDF PDF um hlan ah).

Vanlawng kahnak kan ngeih cang tiah Media ah nan ti cangka in Sakai (Ṭanse le Shwebo) ah Vanlawng 8 bak in an kah colh. EAO he Raldoh hmanh ah hi zat ahmang ballo. Jet fighter loin Helicopter (1-2) tu an hmang tawn. Tu cu Ramdang Raldoh bang an kan doh cang. Mipi le PDF LDF tampi kan thi.

Innlo le khuaram tampi a rawk. SAC Jet Fighters le Helicopter cu an kahthlak men lai kan ti nain, asi ti lo. Raldohnak a fak bik nak Sakai le Makui ah Vanlawng kah nak chiah loin, NUG Vuanci le Kusale inn ah nan chiah rua ka ti.

NUG Vuanci le Dr te nih “kan NGEIH KO, KAN NGEIH KO” nan ti lio ah Mipi le PDF LDF cu “kan thih ko, kan thih ko” tiah leh awk in thil a kal cang.

Raldohnak ni fatin aum zungzal nak KARENNI, Karen, Kachin le CHIN ah Vanlawng kahnak nan chiah ti lo. Phiangkum Bantukin Raldohnak Kawlrawn, Ygn le Mdy ah maw nan chiah sual kan in ti hna. “Sakap hlan ah CHAWL PHAH HLAH” “A Awn Ruangah Uitlak le Thereng an thi” tuan phung kha.

Vanlawng kahnak kong hi Chimhrel lo le phuang lo ah asi khawh hrim lo maw? Vanlawng kahnak kan ngeih cu MAH kan thluk cang tinak asi lo dakaw? CDF / PDF / LDF sin ah phan hnu ah, Jet Fighters le Helicopter an kah thlak hnu lawng ah SAC nih an hngalh awk asi. MAH cu Maymyo kal ding a ti mi cu Media nih an hngalh caah Mawlamyaing lei aa merh. Dan kan tat hna lai a ti. SAC le Rallokap tlukin Bia I sum nun kan ngeih lo. Phaisa tampi le nunnak tampi dih in, Spy le Intellegents herh lem loin mah tein Nika kan I pho zungzal ko. Social Media aum cu, MAH caah spy asi ko lo maw?

Mipi cu kan mawh lo, NUG VUANCI le Dr te hrim pei MAH caah SPY ṭuan mi ko nan lawh fam cu. Saphu Thalhma aa chimh bang kanmah tein kan Thalhma kan I phuang. A poi tuk ee. NUG nih Vanlawng kah nak kan ngeih tiah nan phuang rih in, Mipi cu Jet Fighter le Helicopters lawng in an kan khah cang. Lungfak ngai mi cu Hakha ah kah ding in an ra ve cang.

Phuang ding ah kan I sum khawh lo ahcun, Bia dang deuh in, SAC hngalh khawh lo ding in, SPY holh in chimh ding asi. NUG Vuanci le Dr te si buin mah hi hi kan thiam rih lo mi hi kan poi ve dakaw.

2023 ah MAH thluk ding ti cu nan thiam tuk. Kan tei lo ahcun CHANCHUNG SAAL kan si lai tiah mipi kan ti dih cang. Kei zong Chi pumkhat le Thetse fangkhat Bantukin Dohthlennak adih hlan tiang I tel ding ah bia kaa kam ve. CDF Tidan kan kai ah biakam nak he kan si cang.

Hi hnu ah cun, Mipi le PDF CDF thihlohnak, Tlangcung mi le EAO ṭhen Cheuhnak bia vialte I sum cang rawh uh tiah zang fah kan nawl ko hna. Credit: Joseph R. Thang

Voikhat suai ah India Ram Hruaitu minung 15 a suai kho tu Nu video zohnak Link>><<https://www.facebook.com/100009066021337/videos/656107272688832?idorvanity=177906787194789

Be First to Comment

Leave a Reply

Your email address will not be published. Required fields are marked *