Press "Enter" to skip to content

India Ram Lei Lawng Si Loin Thailand Ramri Lei Zaam Mi 1000 Hrawng Cu KNU Hmunah

Myanmar ram buainak ruangah India ram lawng siloin Thailand ram lam khalah tlan an um rero ve ih Thailand ramsung lut felfai thei hrih lo mipum 1000 hrawng cu Karen ralkap KNU umhmun ah an beu thu anmah KNU lamin mipi theihternak an nei.

KNU hmunih beu pawl cu ralkap le palik dinhmun in CDM tuah ruangah him lo, hlutdaw palai ,sibawi le milar pawl khal an tel thu KNU ramdang palai Phado Saw Taw Ni cun Reuters thuthang a simthei. Culawng siloin U Phado Saw Taw Ni cun Karen ralkap KNU dinhmun in CDM tuah pawl an dinpi thu , ralkap uknak duh loin lamzawh duhphorhnak nei mipi pawl an dinpi thu le an hnenih beunak hawl pawl cu an humhim ding thu pawl khal a rel.

Thailand khal in Myanmar ram ih him lo tuk ruangah a ram ih tlan pawl umnak hmun tamzet a tawlrel ve ih ramri cu thazetin a kil ringring. Cumi ah Thailand ram ih lut pohpoh ret thluh an si cuang lo ih Myanmar ram ih an himlonak san, ziangruangah an tlan timi cu felfai zetin an suh thu theih a si. Ziangahtile ,ram buai hlan ihsin hnatuan duh men ruangah Thailand ram ih thupte lut Myanmar mipi an um ringring a si tiah falam thawngthanh vapualauaw nih a langhter.

Be First to Comment

Leave a Reply

Your email address will not be published. Required fields are marked *